VOV4.Jarai - Tơring čar Lâm Đồng hơmâo rơbêh 500.000ha glai, amăng anun glai kyâo hơngo hăng kyâo amuñ hơmâo apui ƀong. Amăng hrơi adai pơ-iă hang sui tui anai, amuñ hơmâo apui ƀong glai biă, tơring čar anai glăk pơƀut pơgang hlâo hŭi apui ƀong.

VOV4.Jarai-Bruă ngă hmua pla pơjing lĕ sa amăng hơdôm anŏ gêh găl prong mơ̆ng tơring čar Dak Lak. Lu mơta gơnam mơ̆ng đang hmua hmư̆ hing kah hăng: Kơphê, Makka, sầu riêng, pơdai braih…hơmâo pok pơhư prong anih sĭ mơdrô ƀơi dêh čar tač rơngiao. Tơlơi anai ƀu kơnong pơgôp hrŏm ngă pơblih pơđĭ tui hiam tơlơi hơdip mơda mơnuih ƀôn sang đôč ôh, dŏ djru hrŏm rơnoh pơhrui glăi prăk duh jia kơ kơnuk kơna rim thun truh rơbâo klai prăk mơ̆ng bruă ngă hmua hăng sĭ mơdrô pơ tač rơngiao. Thun 2024, anom bruă ngă hmua tơring čar Dak Lak gir run hloh, čang rơmang ăt ba nao gơnam đang hmua mơ̆ng tơring čar truh pơ anih ataih.

VOV4.Jarai-Amăng tal nao mă bruă ƀơi tơring čar Kon Tum blan 9/2023, Khua dêh čar ơi Phạm Minh Chính hơmâo djru kơ sang anŏ ƀun rin ƀơi tơring glông Tu Mrông 12.000 anah phun sâm Ngok Linh pioh pla. Hrơi blan rơgao, dưi hơmâo tơlơi djru ba mơ̆ng khua mua gong gai kơnuk kơna hăng anom bruă ngă hmua plơi pla, 300 boh sang anŏ ƀun rin ƀơi tơring glông hơmâo ba pla, akŏ pơjing đang sâm yôm phara biă ƀơi kơčŏng čư Ngok Linh.

VOV4.Jarai - Hrơi blan anai, lu plơi pla ƀơi tơring čar Dak Lăk glăk truh bơyan pĕ tiu. Nua tiu glăk đĭ rim hrơi, mơnuih pla tiu hok mơ-ak čang rơmang nua pơmă amra hơmâo hơmăi prăk kăk, plai ƀiă mơn rơngiă prăk tuh pơ alin.

VOV4.Jarai-Sa čô mơnuih ngă hmua hrăm yah anih 7 đôč samơ̆ dưi pơkra pơjing rai rơbêh 40 boh măi ngă hmua, sĭ mơdrô pơ 15 boh dêh čar amăng rŏng lŏn tơnah. Anai lĕ ayong Phạm Văn Hát, mơnuih ngă hmua ƀơi tơring čar Hải Dương. Tơlơi bơră ruai lăi nao ñu hơmâo čih amăng hơdrôm dră Tiếng Việt anih 4, črăn 1 (hơdrôm hră Cánh Diều) amăng tơlơi čih hăng anăn “Mơnuih rơgơi pơkra măi ngă hmua”.

VOV4.Jarai – Ngă tui Akô̆ bruă “Pơdŏng hơdră anom mă bruă hrŏm tui gru phrâo nao hrŏm hăng pơđĭ kyar pơlir hơbit gơnam tam ngă rai, gơnam ba jơlan hlâo, hmâo hơdră prong hăng pran lar hyu prong”, Pơlir hơbit Anom mă bruă hrŏm tơring čar Dak Lak gơgrong hlâo tô nao rai hăng hơdôm bôh anom bơwih ƀong pơlir gơnam tap sĭ mơdrô kơ mơnuih amăng anom.

VOV4.Jarai - Tu Mơ Rông lĕ tơring glông tơnap tap amăng tơring čar Kon Tum hăng 95% mrô mơnuih lĕ djuai ania Sêđăng. Hơdôm thun giăm anai lơm ngă tui jơlan gah pơđĭ kyar pla phun akha kyâo, mơnuih djuai ania Sêđăng jai hrơi khin hơtal amăng bơwih ƀong ngă đang hmua ƀơƀrư̆ pơklaih mơng ƀun rin hơđong kjăp hăng hrưn đĭ pơdrong asah mơng kual lŏn mơnai glai rưng plơi pla.

VOV4.Jarai-Jing kual lŏn hơmâo pla lu djuai phun sui thun kah hăng kơphê, tiu, boh troh, bơyan bơnga jing bơyan phang, mơnuih ƀôn sang Dap Kơdư juăt laih hăng bruă čơkă tê̆t rah wai lăng phun pla rah kiăng phun pla hơmâo djŏp ia, bluh hiam, hrơi nao mă bruă akŏ thun phrâo dik dak mơ-ak.

VOV4.Jarai – Ngă tui tơhnal gal pioh pơđĭ kyar bruă đang hmua mă yua măi mok yôm, djuai ania K’ho ƀơi Lâm Đồng hmâo ngă laih đang hmua ba glăi bôh tơhnal hloh. Črăn blung jơlan hơdră hrơi anai, ƀing ta hơduah ĕp lăng sa dua hơdră ngă đang hmua ba glăi bôh tơhnal mơ̆ng ƀing K’ho ƀơi tơring čar Lâm Đồng.

VOV4.Jarai - Pơđĭ kyar tuai čuă ngui amăng plơi pla nao hrŏm hăng gru grua djuai ania ƀiă. Yua hnun, hơdôm thun rơgao, tơring čar Gia Lai lăng ba biă bruă rŭ glăi djŏp bruă pơkra gơnam tui gru đưm mơ̆ng mơnuih djuai ania ƀiă, nao hrŏm hăng tơlơi hơdip mơda bơwih ƀong rim hrơi mơ̆ng neh met wa kah hăng mơñam bung bai rêu rô, mơñam mrai. Kiăng kiăo hmao tơlơi hơdip rơnuk măi mok mrô, bruă pơkra gơnam gru đưm khŏm pơčeh phrâo, mă bruă hơdeč mơn.