VOV4.Jarai – Tơring čar Dak Lak phrâo hmâo tơlơi pơhing kơ bôh tơhnal bruă jao kơphê 2022-2023. Lăp đing nao, rơbêh kơ sa thun rơgao kơphê biă ñu amăng jơlan gah đĭ nua hmâo ngă đĭ laih tơlơi pơmin kơ bruă pla kơphê. Samơ̆ jơlan gah anai ăt ngă đĭ mơn tơlơi lông kơ hơdôm bôh anom bơwih ƀong sĭ gơnam kơ dêh čar tač rơpngiao, ba tơbiă tơlơi kiăng dlông hloh hăng bruă wai lăng tơlơi ƀu bưng amra hmâo.

VOV4.Jarai – Mơguah lơ 19/12, ƀơi plơi prong Buôn Ma Thuột, Gơnong bruă đang hmua hăng pơđĭ kyar ƀôn lan tơring čar Dak Lak gum hrŏm hăng Gơnong bruă đang hmua hăng pơđĭ kyar ƀôn lan tơring čar Quảng Ngãi pơphun Jơnum pơtrut sĭ mơdrô hăng tô nao rai bruă sĭ mơdrô sa dua mơta gơnam OCOP thun 2023.

VOV4.Jarai-Ƀơi plơi prong Buôn Ma Thuột, tơring čar Dak lak, anom bruă kơsem min đang glai Nhiệt đới Việt Nam phrâo pơphun jơnum bơkơtuai “Ngă hiam đang glai ƀơi Dak Lak: Tơlơi dưi hăng tơlơi lông”. Ƀơi anai, ƀing rơgơi kơhnâo hơmâo ba tơbiă hơdôm hơdră ngă hiam đang glai lơm ngă đang kơphê, pla kơphê pơlir hăng pla đang glai kiăng bong glăi ayuh hyiăng pơplih sat.

VOV4.Jarai - Pơjing glăi glai klô amăng bruă hrơi blan ngă kơphê, pla kơphê pơlir hăng ngă hmua pla glai đah mơ̆ng djơ̆ hăng ayuh hyiăng pơplih ră anai.

VOV4.Jarai-Ngă tui hơdră pla kơphê hơdjă rơgoh, hơđong kjăp huăi ngă sat kơ ayuh hyiăng, thun blan giăm anai, lu mơnuih ngă hmua ƀơi Dak Lak hơmâo rông hơdŏm sao pioh kĕ ƀong hlăt amăng phun kơphê kah hăng hlăt lôm hla, hlăt čao phun, hmŏl găm phun kơphê. Bruă ngă anai, djru pơhrŏ ƀiă prăk blơi ia jrao, pơgang tơlơi suaih pral kơ mơnuih mă bruă laih anun pơđĭ tui asar hiam boh kơphê.

VOV4.Jarai-Mơguah lơ 13/12, Jơnum min mơnuih ƀôn sang tơring glông Tu Mơ Rông, tơring čar Kon Tum pok pơhai bruă pla 12.000 phun akha kyâo sâm Ngọc Linh 1 thun pơ yŭ kyâo glai. Mrô pơjeh phun akha kyâo anai yua Khua dêh čar Phạm Minh Chính djru brơi sang anŏ ƀun rin amăng tơring glông amăng tal nao mă bruă pơ tơring glông amăng blan 8/2023.

VOV4.Jarai – Ơi pang, yă dôn hăng ƀing gơyut khăp! Ƀơi tơring čar Dak Lak tơdơi kơ bruă pơsit mrô kual pla, mrô anung gơnam, dưi pok pơhai hyu ƀơi djop tơring čar Dak Lak, hmâo laih hơdôm rơbâo tơn bôh kruăi hrĕ, bôh ƀrô yuan, hơbơi čin hăng năng ai ñu 300.000 tơn sầu riêng ƀơi tơring čar... dưi sĭ kơ dêh čar tač rơngiao, ba glăi prăk pơhrui glăi lu. Bruă pơdah anăn păn pla, anô̆ klă gơnam ƀơi hơdôm kual pla hăng anih anom anung gơnam dưi pơsit mrô ƀơi Dak Lak, hmâo pơdah laih nua ñu sit nik hăng kơjăp sui thun. Tơlơi čih lăi pơthâo mơ̆ng pô hyu mă tơlơi pơhing phrâo gah črăn hơdră, mơ̆ng bôh nik ƀơi sa dua anih anom amăng tơring čar.

VOV4.Jarai - Ƀơi plơi prong Buôn Ma Thuột, anom bruă git gai gum hrŏm plơi pla phrâo tơring čar Dak Lak pơphun pơtop hrăm jơlan hơdră rĭm boh să sa gơnam (OCOP) thun 2023 brơi 150 čô mơnuih lĕ ƀing pơ ala anom bơwih ƀong sĭ mơdrô, anom bơwih ƀong hrŏm, ƀing rông hlô hăng pla pơjing hăng hơdôm boh sang anŏ amăng tơring čar.

VOV4.Jarai-Amăng hrơi blan laih rơgao, tơring glông Lạc Dương, tơring čar Lâm Đồng hơmâo đing nao pơđĭ kyar phun pla pơhrui glăi hơmâo hmăi amăng tơring glông, mă yua boh thâo măi mok phrâo amăng ngă hmua kiăng kơ ba glăi pơhrui lu hloh. Hlâo adih, phun atiso pla raih daih đôč truh ră anai, hơmâo pla pơƀut ƀơi sa, dua boh să Dă Nhim, Dă Sar, Dă Chais, Lát. Đơ đam tơring glông hơmâo giăm 100 boh sang anŏ mut hrŏm pơlir hơbit pla hăng blơi pơhrui atiso, ba glăi prăk pơhrui lu hloh brơi kơ mơnuih kual ataih, asuek amăng tơring glông.

VOV4.Jarai - Anom bruă mă jia tơring čar Dak Lak pơphun Jơnum bơkơtuai hăng anom bơwih ƀong sĭ mơdrô kơ hơdră ngă hră pơ-ar mă jia tal II thun 2023 kiăng pơlăi nao rai hăng pơsir hĭ tơnap tap mơng anom bơwih ƀong sĭ mơdrô.