VOV4.Jarai - Ding jum ia jrao kiăng Gơnong bruă ia jrao hơdôm tơring čar ƀon prong djru ba mơnuih ƀon sang pơgang klin tui tơlơi pơtrun, ƀu dưi pơjrao mă pô pơ sang ƀu kiăo tui tơlơi pơtô ba mơng sang ia jrao. Gơnong bruă hơdôm tơring khŏm lăi pơthâo mrô telephôn iâu ječ, hmư̆ hăng sem lăng tŏng ten, pơtŏng lăng bruă pơčrang kman hmar, pơčrang ƀuh kman mơng anom bruă hăng mơnuih ƀon sang. Anai lĕ tơlơi kiăng mơng Ding jum ia jrao ƀơi anăp bruă hơmâo ƀing F0 nao pơ sang ia jrao tơdơi kơ test mă pô, brơi ƀuh ƀă kman samơ̆ ƀu lăi pơthâo kơ sang ia jrao ƀơi plơi pla gơñu ôh. Bruă anai amra ngă kman lar hyu. Hơdôm boh tơring čar kiăng pơtô pơblang hloh dong, pơtô ba mơnuih ƀon sang, anom bruă khŏm ngă tui djơ̆ tơlơi pơtrun pơgang klin, biă ñu hăng bruă pơčrang kman mă pô, kiăng tañ ƀuh pô arăng đing đăo ƀă klin, hmao tlôn ba pơđuăi amăng plơi pla, pơgăn hĭ anih hơmâo klin, laih dong plai ƀiă mơn ƀă hyu kơ pô pơkŏn.

Siu H’Mai: Pơblang