Amăng hrơi anai, ƀing pơ ala mơnuih ƀôn sang dêh čar ăt jơnum phara hơjăn kơ bruă ruah mơnuih ngă khua. Ƀơi mông jơnum lok 9 ječ ameč anai, ƀing pơ ala mơnuih ƀôn sang pơtong glăi tơlơi gơgrong, prăp lui hlâo, pơsit bruă mă, tơlơi gir run mơ̆ng ping gah, ƀing pơ ala mơnuih ƀôn sang dêh čar, kơnuk kơna hăng gong gai djop tơring čar amăng bruă dăp glăi, pơhrŏ mrô mơnuih apăn bruă, kiăng hơmâo sang bruă hơbôt hloh. Tui hăng ƀing pơ ala lăi, pơblih phrâo hơdră git gai wai lăng, pơjing rai sang bruă, khul mơnuih apăn bruă djơ̆ lăp huăi rơbêh ƀudah kơƀah đơi ôh.

Ƀing pơ ala mơnuih ƀôn sang dêh čar lăng yom bruă mă mơ̆ng ping gah, khua pơ ala, kơnuk kơna dêh čar brơi dăp glăi sang bruă, khul mơnuih apăn bruă amăng kơnuk kơna. Kiăng pơsir hĭ hơdôm tơlơi phrâo hơmâo, kơnuk kơna khom čih pơkra hră pơtrun mrô 178 kơ jơlan hơdră, tơlơi pơtrun djru kơ mơnuih ngă khua, ƀing apăn bruă kơnuk kơna hăng khul ling tơhan djop sang bruă ngă tui bruă pơhrŏ hăng dăp glăi sang bruă kơnuk kơna amăng abih glông bruă kơđi čar. Anăp kiăng đing nao lĕ, hơmâo sang bruă ƀiă mơnuih hơbôt hyôt hloh, samơ̆ mă bruă tŭ yua, bơwih brơi kơ mơnuih ƀôn sang klă hloh.