Ƀơk gơnam brơi ƀing apăn bruă, mơnuih mă bruă amăng gơnong bruă pơtô pơjuăt Dak Lak ƀrô bơyan Tết Ất Tỵ 2025
Thứ ba, 08:00, 14/01/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Khul mơnuih mă bruă mut phung gơnong bruă pơtô pơjuăt Dak Lak phrâo pơphun jơlan hơdră “Tết tum jơngum, mơ-ak bơyan bơnga-pơpŭ kơ Ping gah”, ƀơk gơnam brơi ƀing nai pơtô hăng mơnuih mă bruă amăng gơnong bruă pơtô pơjuăt tơnap tap kiăng hmao tlôn bơwih brơi, djru brơi ƀing mơnuih mă bruă mut phun amăng gơnong bruă pơtô pơjuăt ƀrô bơyan čơkă thun phrâo Ất Tỵ.
Pok pơhai hơdôm bruă bơwih brơi, wai pơgang ba tơlơi dưi sit nik mơng ƀing nai pơtô hăng mơnuih mă bruă, mơng akŏ thun hrăm 2024-2025 truh ră anai, khul mơnuih mă bruă mut phung gơnong bruă pơtô pơjuăt Dak Lak hơmâo jak iâu pơgôp amăng keh prăk djru brơi ding kơna, mơnuih mă bruă amăng đơ đam tơring čar hăng rơbêh 500 klăk prăk.
Amăng bơyan ngui Tết Ất Tỵ anai, khul mă bruă mut phung gah pơtô pơjuăt Dak Lak hơmâo pơphun ngui adôh suang, pĕ mă tơlơi tơphă hăng pơbưp ƀô̆ mơta amăng bơyan čơkă thun phrâo hăng ƀing nai pơtô, mơnuih mă bruă. Jak iâu pơgôp djru brơi gơnam tết brơi ƀing nai pơtô hăng mơnuih mă bruă tơnap tap, mơnuih dju djuam duam ruă hăng abih tih nua gơnam djru lĕ giăm 600 klăk prăk.
Viết bình luận