Kiăng hmao čơkă thun phrâo mơak, djru ba djop mơnuih ƀun rin, sang anŏ tơnap tap čơkă thun phrâo hơmâo djop mơnong ƀong huă hloh, Khul ia jrao kyâo bơrơkal mriah tơring čar Dak Lak ngă hrŏm djop sang bruă djru gơnam, hơmâo hơdôm rơtuh anung gơnam têt ba nao pơ kual ataih tơnap tap amăng tơring čar, biă mă ñu ƀơi plơi pla mơnuih ƀôn sang djuai ƀiă.

Truh mông anai, ƀơi tơring čar Dak Lak hơmâo rơbêh 55.200 boh sang anŏ dưi tŭ mă gơnam têt arăng ƀơk hăng rơnoh prăk abih tih truh kơ 25 klai prăk. Tui hăng Nông Thị Thu, Kơ-iăng Khua Jơnum min djop djuai ania mơnuih mơnam Việt Nam tơring čar Dak Lak, tơring čar khom pơhlom brơi abih bang sang anŏ ƀun rin, giăm ƀun rin dưi tŭ mă gơnam djru ƀong têt, čơkă thun phrâo mơak mơai, ngă tui lăp tơlơi kiăng “Ƀu lui kơ hlơi dŏ glăi gah klôn ôh”.