Ƀrô djơ̆ tal anai, Khul mơnuih djơ̆ jrao hret dioxin Việt Nam hơmâo jao rơnoh prăk pioh tuh pơ alin mă bruă kơ 5 boh sang anŏ hơmâo mơnuih djơ̆ jraohret dioxin hăng 30 anung gơnam têt kơ mơnuih djơ̆ jrao hret. Abih tih rơnoh prăk djru 86 klăk prăk. Nao tơl sang tơña bla hăng ƀơk gơnam tết kơ hơdôm sang anŏ ƀơi tơring kual Pơng Drang, tơring glông Krông Ƀŭk, tơring čar Dak Lak, Trung tướng Nguyễn Hữu Chính, Khua khul mơnuih djơ̆ jrao hret, hơmâo tơña bla juh alum, pơtrut pơsur sang anŏ hơmâo tơlơi ruă nua djơ̆ jrao hret gir run hrưn đĭ amăng tơlơi hơdip mơda.

Ră anai, tơring čar Dak Lak hơmâo 1.418 čô mơnuih ruă djơ̆ jrao hret dioxin hlăk tŭ mă prăk djru rim blan. Abih bang ƀing hơmâo tơlơi ruă djơ̆ jrao hret dioxin anai ƀơi Dak Lak, hơmâo tŭ mă gơnam jak iâu djru ƀong têt kơ abih bang 1.418 čô hơmâo djop soh, sa anung gơnam hăng rơnoh prăk boh ƀiă ñu 200.000 prăk, pơgôp ƀiă kiăng djop sang anŏ hơmâo anŏ gêh găl čơkă têt mơak mơai.