Ƀơk gơnam tết hăng djru khăm pơkra brơi tơgơi brơi mơnuih ƀun rin ƀơi Dak Lak
Thứ hai, 10:46, 13/01/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tlam tombrơi (12/1), ƀơi să Hoà Thắng, plơi prong Buôn Ma Thuột, khul ia jrao kyâo bơrơkal mriah tơring čar Dak Lak gum hrŏm hăng anom bruă djru ba pơphun ƀơk gơnam tết tui phiăn juăt Ất Tỵ hăng črâo ba, gum djru khăm pơkr brơi tơgơi brơi mơnuih ƀun rin.
Amăng jơlan hơdră, khul pơphun hơmâo jao 50 anung gơnam tết (rĭm anung gơnam nua ñu 300 rơbâo prăk) ƀơk brơi mơnuih ƀun rin, mơnuih tơnap tap ƀơi să Hoà Thắng hăng hơdôm boh ƀon lan jum dar; črâo ba, čih anăn ƀing mơnuih arăng djru pơkra tơgơi kiăng kơ khăm, pơjrao brơi.
Ƀing mơnuih hơmâo tơlơi ruă bơdjơ̆ nao tơgơi mơbah amra djru ba nao pơ sang ia jrao pơjrao brơi tơgơi, hơmâo arăng khăm, črâo brơi hăng pơjrao brơi tơgơi soh sel, djru brơi prăk ƀong, ia săng rơdêh amăng hơdôm hrơi nao khăm brơi blung a hăng djru mơng 30-50% prăk duh pơjrao brơi amăng hơdôm hrơi tŏ tui.
Viết bình luận