Tal anai, tơring čar mă prăk mơ̆ng tơring rơbêh kơ 21,5 klai brơi nao giăm 36.000 anung gơnam kơ tơhan rơka rơkač, ruă nuă, sang anŏ tơhan djai, amĭ Việt Nam sông kơtang, Tơhan blah ngă sông kơtang, hăng mơnuih ngă hơkrŭ đưm.

Hrŏm hăng anun, Khua mir sir mơit mơn kơ rơbêh 27.200 boh sang anŏ kơnuk kơna djru ƀơi Dak Lăk, hăng mrô prăk rơbêh 8,23 klai, pơđĭ tui mrô prăk brơi nao amăng tal anai giăm 30 klai. Ră anai, tơring čar Dak Lăk glăk wai lăng rơbêh 120.000 pok hră mơnuih hơmâo anăn kơnuk kơna djru ba, amăng anun rơbêh 94.000 pok hră mơnuih ngă hơkrŭ hrŏm hăng sang anŏ gơñu laih anun 34.000 pok hră hơmâo amăng tơlơi djru ba pơkŏn dong.