Lâm Đồng pơsit bruă hơget kiăng hloh bơwih brơi tơlơi hơdip mơnuih djuai ania ƀiă
Thứ hai, 14:45, 20/07/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Ngă tui Tơlơi pơsit mrô 1719 mơ̆ng Khua dêh čar kơ Jơlan hơdră dêh čar đĭ kyar bơwih ƀong huă - mơnuih mơnam kual mơnuih ƀôn sang djuai ania ƀiă hăng čư̆ siăng rơwang thun 2021-2030, tơring čar Lâm Đồng pơƀut lăng glăi, pơsit anŏ kiăng tuh pơ alin ring bruă kiăng hloh amăng thun anai, đah mơ̆ng pơđĭ tui tơlơi hơdip mơnuih ƀôn sang djuai ania ƀiă hăng čư̆ siăng.
Bruă lăng glăi abih bang hơmâo ngă tui hăng tơlơi pơtô ba mơ̆ng Ding jum Djuai ania hăng Tơlơi đăo, brơi ƀuh, tơring čar Lâm Đồng pơsit tơlơi kiăng biă mă man pơdong 55 ring bruă ia hơdjă, hăng prăk man pơkra giăm 245 klai; 19 ring bruă apui lơtrik, hơmâo 16 ring bruă dăng hrĕ apui hăng 3 ring bruă truă apui tŭi rơđah, prăk ngă bruă anai giăm 79 klai prăk. Hrŏm hăng anun, tơring čar kiăng djru man sang dŏ brơi kơ 35 boh sang anŏ tơnap tap, hăng prăk 1,75 klai.
Prăk pioh či ngă bruă kiăng hlâo hloh rơbêh kơ 325 klai, abih tih jing prăk pioh tuh pơ alin đĭ kyar soh. Lâm Đồng pơsit bruă kiăng ngă hlâo hloh lĕ pơƀut ngă ring bruă ƀơi 128 boh plơi tơnap hloh, djru ba tơlơi hơdip mơda kơ mơnuih ƀôn sang djuai ania ƀiă./.
Viết bình luận