Anăp nao hơdor glăi tal 79 thun Hrơi pioh kơ tơhan rơka rơkač-Mơnuih pơsăn drơi jăn yua kơ lŏn ia (kơnôl 27/7) rim thun, mơguah hrơi anai, kơnôl 23/7, ƀơi Hà Nội, Ding jum Bruă čar git gai, ngă hrŏm hăng hơdôm anom bruă pơdjơ̆ nao, pơphun jơnum pơpŭ bơni kơ mơnuih hơmâo ngă hơkrŭ kơ lŏn ia mơ̆ng hlâo truh ră anai thun 2026.

Rơbêh 300 čô mơnuih sang anŏ hơmâo gum kơnuk kơna bruă hơkrŭ ba gru hlâo pơ ala brơi kơ hơdôm klăk čô tơhan rơka rơkač, duăm ruă, sang anŏ mơnuih pơsăn drơi jăn yua kơ lŏn ia hăng ƀing ngă hơkrŭ amăng dêh čar nao pơhmư̆.

Anai lĕ hơdôm mơnuih kah hăng gru bơngač kơ pran jua tơlơi gir run, hrưn đĭ amăng bruă mă, ăt djru hrŏm hiam klă amăng bruă mă man pơdong, pơđĭ kyar lŏn ia laih anun pơgang dêh čar rơnuk pơblih phrâo. Jơnum anai, mông gêh găl pioh kơ Ping gah, kơnuk kơna hăng mơnuih ƀôn sang pơdah rai pran jua thâo hơdỏ tơngia prong prin hăng pran jua, tuh rơyuh, pơsăn drơi jăn pô mơ̆ng ƀing tơhan khin hơtai, ƀing rơka rơkač, tơhan duăm ruă djru kơ bruă čar, pơgang lŏn ia. Mơ̆ng anun, kiăng gir run hloh amăng bruă ngă tui djop jơlan hơdră djru mơ̆ng kơnuk kơna pioh kơ sang anŏ hơmâo anăn ngă hơkrŭ kơ lŏn ia.