Tui anun, gơnam brơi hơmâo nua 500.000 prăk lơ̆m sa čô mơnuih hăng ƀing khua mua, mơnuih mă bruă kơnuk kơna, tơhan blah ngă, mơnuih djru hơkrŭ lŏn ia, mơnuih hơmâo anăn kơnuk kơna djru, nua ñu 1 klăk 300 rơbâo lơ̆m sa čô mơnuih pioh kơ ƀing amĭ Việt Nam Sông kơtang, tơhan blah ngă, tơhan rơka. Rơngiao kơ anun, 138 anom bruă kơnuk kơna, anom bruă tơhan, kông an, anih wai lăng glai amra hơmâo mă gơnam nua mơ̆ng 3 truh kơ 7 klăk prăk.

Khua mua tơring čar ăt amra nao čuă hăng brơi 54 anung gơnam kơ mơnuih rơgơi mơbruă hăng djŏp anom bruă amăng tơring čar. Tal anai, Jơnum min djŏp djuai ania mơnuih mơnam hăng Khul ia jrao kyâo bơrơkal mriah tơring čar amra iâu pơthưr thim dong đah mơ̆ng djru ba sang anŏ rin, sang anŏ tơnap pơ kual ataih yaih, pơhlôm abih bang mơnuih dưi čơkă tê̆t mơ-ak mơ-ai.