Dak Lak: Pơhrŏ trun ƀun rin yua pok pơhai tŭ yua hơdôm jơlan hơdră tui hơnong pơkă dêh čar
Thứ hai, 10:46, 13/10/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ƀing Khua pơ ala mơnuih ƀôn sang tơring čar Dak Lak phrâo mă bruă hăng Jơnum min mơnuih ƀôn sang dua boh să Vụ Bổn hăng M’Drăk kơ bruă ngă tui hơdôm tơlơi pơtrun mơng Khua pơ ala mơnuih ƀôn sang dêh čar bơdjơ̆ nao jơlan hơdră tui hơnong pơkă dêh čar.
Amăng hrơi blan rơgao, hơdôm jơlan hơdră anai ba glăi lu boh than prong, pơgôp amăng pơtrut pơđĭ kyar bơwih ƀong huă-mơnuih mơnam, hrưn đĭ tơlơi hơdip mơnuih ƀôn sang. Ƀơi să M’Drăk, mrô sang anŏ ƀun rin hrŏ trun mơng 6-6,5% rĭm thun; anih anom, jơlan glông hơmâo tuh pơ alin ha amăng plĕ, hơdôm boh plơi pla lêng kơ hơmâo sang jơnum plơi, jơlan glông lêng kơ tuh ƀêtông, 100% mrô sang anŏ hơmâo apui yua.
Yă Nguyễn Thị Thu Nguyệt-Khul grup Khua pơ ala mơnuih ƀôn sang tơring čar-tŭ yap tơlơi gir run mơng ƀon lan, laih dong rơkâo tŏ tui pel ĕp, ngă tui Khul git gai, pok pơhai tui jơlan gah “Amuñ ngă hlâo, tơnap ngă tơdơi” hăng kơtưn pơtop hrăm brơi ƀing apăn bruă, khua plơi pla.
Viết bình luận