Gia Lai: 16 čô čơđai hơmâo djru brač pơjrao hơtai boh
Thứ hai, 13:00, 15/09/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Giăm 1.000 čô mơnuih pơ kual Ngŏ Gia Lai nao khăm pơkă hlâo tơlơi ruă hơtao boh, djru brơi đôč, yua Khul pơgang ba mơnuih duam ruă sang anŏ rin, tơnap tap tơring čar ngă hrŏm hăng Sang ia jrao Huế hăng hơdôm anom bruă pơphun.
Mơ̆ng pơkă lăng, ƀing ơi ia jrao hơmâo ƀuh 39 čô kiăng brač pơjrao hơtai boh, amăng anun hơmâo 16 čô čơđai hơmâo pơjrao brơi đôč. Rơngiao kơ khăm, brač pơjrao brơi, ƀing ơi ia jrao ăt pơtô brơi kiăng wai lăng tơlơi suaih pral hiư̆m pă, đih pơdơi hiư̆m pă kiăng čơđai tañ añrăng hlâo hăng tơdơi kơ pơjrao.
Bruă khăm pơjrao hơtai boh brơi đôč, huăi rơngiă prăk kăk hơmâo ngă amăng lu thun laih, jing tañ ƀuh hăng pơjrao brơi tañ mơn kơ hơdôm rơbâo čô mơnuih ruă hơtai boh ƀơi Gia Lai, djru plai ƀiă hơmâo mơnuih djai yua ruă hơtai boh hăng ba glăi tơlơi hơdip mơ-ak hloh kơ ƀing čơđai sang anŏ rin./.
Viết bình luận