Jơlan hơdră man pơdong sang brơi kơ mơnuih ƀun rin ƀu hơmâo sang dŏ dưi hơmâo tơring čar Gia Lai pơphun mơ̆ng thun 2021. Amăng mrô 20 kơčăo bruă dưi pơsit prăk djru, hơmâo 6 kơčăo bruă ngă giong, 3 kơčăo bruă giong sa črăn, djru brơi 4.500 boh sang anŏ hơmâo sang dŏ hơđong. 10 kơčăo bruă pơkŏn hlăk dŏ man pơdong ƀudah či man pơdong, djru ba nao rai 7.600 boh sang.

Amăng anun 2000 boh sang amra man pơdong giong črăn atur hăng pơnăng, amra ngă giong amăng thun anai. Him lăng, truh abih thun 2025, Gia Lai amra ngă giong djop 31% akŏ bruă jao man pơdong sang djru mơnuih mơnam tơnap tap mơ̆ng thun 2021-2030. Ơi Nguyễn Hữu Quế, Kơ-iăng Khua Jơnum min mơnuih ƀôn sang tơring čar Gia Lai brơi thâo, tơring čar hlăk pơtrut pok pơhai kơčăo bruă, kiăng run pran jua ngă giong 16.600 boh sang tui hăng akŏ bruă pơkă hlâo, djru ngă tui akŏ bruă prong mơ̆ng Kơnuk kơna brơi Tuh pơ alin man pơdong boh ƀiă 1 klăk boh sang kơ mơnuih ƀôn sang ƀun rin, mơnuih ngă kông ñơn sang anŏ tơnap dŏ mă bruă ƀơi ƀut sang măi mơ̆ng thun 2021-2030.