Giăm 30 čô ơi ia jrao, nai ia jrao mơng sang ia jrao Thủ Đức, ƀôn prong Hồ Chí Minh, hơmâo nao khăm, črâo brơi bruă pơjrao hăng ƀơk jrao brơi giăm 500 čô mơnuih. Ƀrô tal anai, Sang măi pơkra apui lơtrik mơng hyuh pơ-iă Vĩnh Tân 4 ăt jak iâu pơgôp djru brơi 1 tơ̆n braih, rĭm anung 5 kĭ, brơi mơnuih ƀôn sang nao khăm; gum hrŏm ƀing mơnuih čơmah jao 50 anung prăk hrăm hră hăng gơnam yua brơi ƀing čơđai sang hră tơnap tap.

Sang măi ăt jao mrô dưm prăk djru mơnuih mơnam hăng rơbêh 500 klăk prăk brơi Jơnum min mơnuih ƀon sang să Vĩnh Hảo, hơmâo prăk blơi gơnam măi mok gah ia jrao hăng man pơdong phrâo, pơkra ming 6 boh sang djru khăp pap brơi sang anŏ ƀun rin, sang anŏ hơmâo sang tơ̆i phŏ.