Jơnum min mơnuih ƀôn sang tơring čar Kon Tum hơmâo pơtrun hiăp brơi djru sang anŏ ƀun rin, giăm rin ƀun ƀong têt Ất Tỵ. Lơ̆m sa boh sang anŏ rin ƀơi Kon Tum djru djru 600.000 prăk hăng sa boh sang anŏ giăm rin ƀun lĕ 300.000 prăk pioh ƀong têt Ất Tỵ. Abih tih rơnoh prăk djru tal anai lĕ 6 klai. Jơnum min mơnuih ƀôn sang tơring čar Kon Tum rơkâo djop tơring glông, plơi prong mă yua prăk djru anai hăng rơnoh prăk thun 2025.

Hăng prăk djru sang anŏ ƀun rin hăng giăm rin ƀun ƀơi djop tơring glông, plơi prong ngă hrŏm Jơnum min djop djuai ania mơnuih mơnam djop gưl hăng khul grup mơnuih mơnam mut phung, jak iâu pơčruh djru, tŭ mă gơnam djru mơ̆ng ƀing pơdrong, mơnuih ƀôn sang čơmah hăng sang bruă sĭ mơdrô ba djru, kơnang kơ Keh prăk djru mơnuih ƀun rin jŭ yap tong ten, ba yua pioh blơi gơnam djru ba mơnuih tơnap tap ƀong têt. Rơnuč thun phrâo laih rơgao, đơ đam tơring čar Kon Tum dŏ 6.557 boh sang anŏ ƀun rin, dưm dưm hăng rơbêh 4% pơkă hăng mrô mơnuih amăng tơring čar. Sang anŏ giăm rin ƀun lĕ amăng tơring čar dŏ 5.547 boh sang anŏ, dưm dưm hăng 3,65%.