Čơtlăm lơ 10/9, Kơ-iăng Khua phun akha Gong phun jua pơhiăp dêh čar Việt Nam Vũ Hải Quang hmâo nao pơtrut pơsur pran jua, rơngôt hrŏm hăng ƀơk mrô prăk 10 klăk prăk kơ sang anô̆ Thiếu tá kông ang Trần Quốc Hoàng, mơnuih mă bruă ƀơi Sang mơnă Quảng Ninh pơsăn drơi lơm dô̆ mă bruă pơgang, pơgăn kơthel Yagi.

Mlăm 7/9, Thiếu tá Trần Quốc Hoàng hmâo khin hơtai yak rơgao hơjan angin, pok bah amăng pơtlaih gah tlôn pioh pơđoh tơbiă iă amăng kual sang mơnă, pơhlôm kơ ƀing gŏp hăng hơdôm mơnuih mơnă samơ̆ yua kơ ia rô kơtang, ia juar anun tơdơi kơ pok bah amăng giong thiếu tá Hoàng ia kor đuăi, djai lơm dô̆ mă bruă. Amăng mlăm, gum hrŏm pơgang pơgăn hrŏm hăng ƀing gŏp, Thượng úy Nguyễn Đình Khiêm ăt pơsăn drơi mơn. Hrŏm hăng tơña bla, rơngôt hrŏm hăng pơtrut pơsur sang anô̆ 2 čô tơhan, Kơ-iăng Khua phun akha VOV Vũ Hải Quang hmâo ƀơk laih prăk djru 10 klăk prăk mơ̆ng Gong phun jua pơhiăp dêh čar Việt Nam kơ mơnuih amăng sang anô̆ 2 bôh sang anô̆./.