Tơlang tơleh 9 čô ling tơhan pơsăn drơi dưi ĕp ƀuh, tum pơƀut ƀơi să Thanh Thuỷ, tơring glông Vị Xuyên, tơring čar Hà Giang. Amăng rơnuk blah ngă pơgang guai dêh čar gah Kơdư dêh čar, ƀơi tơdron blah Vị Xuyên, tơring čar Hà Giang, hơdôm rơbâo čô mơnuih apăn bruă tơhan, ling tơhan khin hơtai, gơgrong kơdŏng blah.

Rơbêh kơ 4000 čô mơnuih apăn bruă tơhan, ling tơhan hmâo pơsăn drơi, truh ră anai dô̆ rơbêh kơ 1000 čô ling tơhan pơsăn drơi ăt akă ĕp ƀuh mơn tơlang tơleh. Tơlơi lăi pơthâo, pơtŏng sit: Ping gah, gong gai, mơnuih ƀôn sang djop djuai ania tơring čar Hà Giang djă pioh na nao pran jua hăng tơlơi pơsăn drơi mơ̆ng rơnuk nao hlâo; gum hrŏm hơbit, pơsit pran jua pơgang lŏn ia hăng pơdŏng plơi pla jai hrơi jai pơdrŏng asah klă hiam; djru ngă truh kih bruă pơgang hăng pơdong Lŏn ia./.