Amăng hơdôm thun giăm anai, lu dêh čar jing ding kơna  gah Khul tơhan hơđăp kual ASEAN dưi ngă lu bruă hiam, boh tơhnal klă djru ba ƀing ling tơhan hơđăp bơwih ƀong huă, lui rơmŏn kŏn rin, pơhrŏ ƀun rin, hrưn đĭ ngă pơdrong djơ̆ lăp.

Jơnum anom bruă sĭ mơdrô Khul tơhan hơđăp ASEAN dưi pơphun kiăng pơtrut tơlơi bơwih ƀong huă sĭ mơdrô hăng pơjing rai tơlơi gêh găl pơtruh nao rai djop sang bruă sĭ mơdrô yua ƀing tơhan hơđăp ngă pô, ngă hrŏm sĭ mơdrô amăng kual ASEAN, anăp nao sa tơlơi čang rơmang pok prong anih anom sĭ mơdrô laih anun kơtưn pơtruh nao rai lu hloh. Jơnum ƀing ngă bruă sĭ mơdrô mơ̆ng khul tơhan hơđăp ASEAN tal anai čang rơmang hơmâo lu bruă ngă hrŏm phrâo, djru pơđĭ tui tơlơi hơdip mơda kơ ƀing tơhan hơđăp laih anun sang anŏ ƀing gơñu, djru hrŏm pơtrut đĭ tơlơi bơwih ƀong huă ƀơi djop dêh čar ngă ding kơna  kual ASEAN.