Tơring čar Dak Lak hơmâo 49 djuai ania dŏ hơdip hrŏm, mrô mơnuih rơbêh 2 klăk čô, amăng anun mơnuih djuai ania ƀiă dưm dưm 34%. Rơwang thun 2021-2025, tơring čar Dak Lak hơmâo gơnong glông kah pơpha giăm 5.600 klai prăk, tơring čar ăt hơmâo kah pơpha rơbêh 1.400 klai prăk kiăng ngă tui 3 jơlan hơdră tui hơnong pơkă dêh čar. Ngăn rơnoh tuh pơ alin yôm phăn anai hơmâo ngă pơplih ƀô̆ mơta kual mơnuih djuai ania ƀiă, anih anom, jơlan glông hơmâo tuh pơ alin ha amăng plĕ, lăp djơ̆, prăk pơhrui kơ mơnuih ƀôn sang hrưn đĭ, mrô sang anŏ ƀun rin hrŏ trun.

Jơnum ƀing pơ ala djop djuai ania tơring čar Dak Lak tal 4 ba tơbiă hơdôm hơnong pơkă yôm phun hơmâo: Thun 2029 đĭ tui prăk pơhrui rĭm akŏ mơnuih kual djuai ania ƀiă đĭ mơng 1,5-2 wŏt pơhmu hăng ră anai, mrô sang anŏ ƀun rin kual mơnuih djuai ania ƀiă hrŏ trun mơng 3-4% ha thun, gir run truh thun 2030 ƀu hơmâo tơring glông rin, să tơnap tap hloh.