Grup K52 kuai đĭ 6 per tơlang tơhan pơsăn drơi ƀơi dêh čar Kur
Thứ năm, 10:02, 05/11/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Dơ̆ng mơ̆ng kơnôl 27-31/10 phrâo rơgao, Grup K52 gah sang bruă khua tơhan tơring čar Gia Lai hơmâo hyu ĕp, rŭ kuai dơ̆ng 6 per tơlang tơhan pơsăn drơi jăn ƀơi 3 boh tơring čar Ratanakiri, Stung Treng hăng Preah Vihear dêh čar Kur, yua mơnuih ƀôn sang lăi pơthâo brơi.
Tui hăng tơlơi lăi pơthâo mơ̆ng sang bruă tơhan, abih 6 per tơlang tơhan pơsăn drơi anun aka ƀu thâo anăn krăn pô ôh, tơlang phŏ abih laih.
Lu gơnam dor hrŏm ĕp ƀuh kah hăng jep klĭ juă kơsu, ao tăng, ajao, hơdrăng kơ-iăng, tơkhŏ ƀô̆ đô̆i, boh nut ao, gêt ia jrao Penicilin hăng hơdôm gơnam yua pơkŏn. Grup K52 hơmâo mă meh tơlang, phun tơgơi pioh ba pơčrang kiăng thâo anăn krăn pô. Tui anun yơh, mơ̆ng kơnôl 1/11/2025 truh ră anai, Grup K52 hơmâo ĕp ƀuh rŭ kuai đĭ 34 per tơlang tơhan djai pơsăn drơi ƀơi dêh čar Kur, ĕp ƀuh amăng dêh čar ta pô lĕ 74 per tơlang tơhan djai pơsăn drơi.
Viết bình luận