Ƀơi anăp kơ tơlơi tơnap tap, tơlơi hning rơngô̆t hăng anŏ răm rai mơng kơthel mrô 3 kah hăng hơjan ia ling dăo bơdjơ̆ nao mơnuih ƀôn sang hơdôm boh tơring čar kua kơdư, Khul apăn bruă hlăk ai tơring čar Kon Tum iâu pơthưr djop gưl amăng khul hrŏm hăng rơbêh 33.000 čô hlăk ai amăng tơring čar pơčruih prăk djru brơi mơnuih ƀôn sang rŭ pơdong glăi anŏ răm rai.

Hăng pran jua djru khăp pap, tal pơčruih hơmâo hlăk ai tơring čar Kon Tum pơphun mơng anai truh abih lơ 15/9. Tơdơi kơ mông pơphun hăng pran khăp pap mơng ƀing apăn bruă, mơnuih mă bruă amăng anom bruă hlăk ai tơring čar Kon Tum hơmâo pơčruih prăk kak kiăng djru brơi mơnuih ƀôn sang amăng kual ia ling dăo gah kơdư.