Pơ ala kơ khul khua mua Jơnum min djop djuai ania mơnuih mơnam Việt Nam, ơi Đỗ Văn Chiến hơmâo tŭ mă prăk djru mơ̆ng sang bruă Hră pơhing Nhân dân 500 klăk prăk; Group mă hơdăng pơtâo Việt Nam 10 klai; Ƀing khua mua, mơnuih mă bruă apah Kông ty pơčruh ngăn jao gơnam pơkrem prăk djru 1 klai 200 klăk prăk; sang anŏ yă Trịnh Thị Mùi, dŏ pơ dêh čar Đức 200 klăk prăk; Khul ơi ia jrao mă bruă ƀơi sang ia jrao mơnuih ƀôn sang ngă pô Việt Nam djru 500 klăk prăk; Khul ngă bruă sĭ mơdrô tuh tia pơkra ming-apui lơtrik ƀôn prong Hồ Chí Minh 900 klăk prăk.
Čih pioh hăng bơni hơ-ơč kơ pran jua hiam klă mơ̆ng lu khul grup, mơnuih tơpuôl, ană plơi pla dêh čar pơgôp hrŏm, ơi Đỗ Văn Chiến lăi pơtong, Khul jak iâu bruă bruă djru ƀơi dêh čar ƀuăn amra mơ-it nao abih bang gơnam tam, prăk kăk yôm anai kơ mơnuih ƀôn sang hlăk či kiăng djru ba laih anun pơhaih tong ten rơđah rơđong, krăp lăng sit nik bruă ba yua prăk kăk hăng gơnam djru djơ̆, tŭ yua biă mă.
Viết bình luận