Khul pơsit pok mơnă thun 2024 jơnum sem glăi anăn rơkâo brơi Khua mir sir kĭ pok mơnă hlâo kơ truh thun tơbiă mơnă brơi kơ ƀing mơnă djop tơlơi gêh găl pok mơnă ƀrô hơdor glăi 79 thun hrơi akŏ pơdong kơnuk kơna lŏn ia CHXHCN Việt Nam hăng70 thun hrơi pơklaih rơngai plơi prong jưh jom. Mơ̆ng thun 2009 truh ră anai, Khua mir sir Lŏn ia CHXHCN Việt Nam hơmâo 9 wơ̆t laih kĭ hră pok mơnă hlâo kơ thun tơbiă mơnă kơ ƀing mơnă ngă djơ̆ tơlơi phiăn hăng bơtơhmal sit nik tơlơi soh pô, lơ̆m hơdôm thun blan dŏ amăng sang mơnă, hrăm hăng pơblih tơlơi hơdip tơpă dưi tơbiă mơnă tañ hloh, brơi glăi hăng sang anŏ, ngă mơnuih ƀôn sang tŭ yua kơ mơnuih mơnam dêh čar.

Kiăng sem glăi hăng pơsit anăn ƀing mơnă djơ̆ hăng tơlơi phiăn, ngă djơ tơhnal pơkă, tơlơi pơtrun pok mơnă hlâo truh thun tơbiă mơnă tui hăng jơlan hơdră pơtrun mơ̆ng Ping gah, kơnuk kơna laih anun Hră pơtrun mơ̆ng Khua mir sir, Kơ-iăng Khua dêh čar ơi Nguyễn Hòa Bình rơkâo djop sang bruă pơtum ĕp glăi tong ten, pơtong rơđah, pơhaih brơi djop pô thâo; sem lăng tong ten hlơi dưi ngă djop anŏ pơtrun, tơlơi pơkă djơ̆ lăp Tơlơi phiăn pap brơi hăng pok mơnă laih anun Hră pơtrun mơ̆ng Khua mir sir.