Hăng tơlơi đing nao mơ̆ng gong gai kơnuk kơna hăng mơnuih ƀôn sang hơmâo tơlơi khăp pap, mông mơak ngui ngor čơkă Blan Bơrơmi ria hiam mơak, pơđao pran jua hlăk bang bơngač truh pơ abih bang čơđai muai ƀơi Dak Lak.Amăng mông mơak čơkă Blan Bơrơmi ria, ƀing čơđai muai Dak Lak hơmaoa lu bruă mă rơđah rođong hiam klă, gum tơngan hrŏm, anăp nao kơ ƀing gơyut čơđai muai amăng kual ia ling dăo.

Ƀơi plơi prong Ƀuôn Ma Thuột, hơdôm boh sang hră gưl sa pơdơi mơtam yơh bruă jơngum ngui mơak Tết trung thu, Blan Bơrơmi ria, mă prăk anun pioh blơi hơdrôm hră, hră čih mơ-it kơ ƀing gơyut čơđai sang hră pơ kual kơdư. Bruă jak iâu pơčruh gơnam djru mơnuih ƀôn sang hlăk bơbeč djơ̆ yua lŏn adai ngă ăt hlăk bang hyu amăng djop sang hră.

Hơdôm mơta gơnam, tơlơi djru ba mơ̆ng ƀing čơđai muai ƀơi Dak Lak mah ƀiă đôč samơ̆ pơdah rai tơlơi khăp, thâo kah pơpha, gum tơngan hrŏm anăp nao kơ ƀing čơđai gơyut gơyâo ƀơi kual ia ling dăo. Anai lĕ, bruă mă yôm pơphăn, bruă ngă pơtô hrăm pran jua thâo gum pơgôp, gru grua mơ̆ng đưm juăt ngă “Hla hnil pơgang ba hla tơ̆i” ƀudah “Hla hlôm gôm ba hla tơ̆i” tơlơi phiăn hiam klă mơ̆ng djuai ania ta.