Tơring čar Dak Lak pơčuih hơdôm hơpluh klai prăk djru brơi mơnuih kual hơjan kơthel
Thứ năm, 10:27, 19/09/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Hơdôm hrơi rơgao, tơring čar Dak Lak hơmâo jak iâu pơčruih hơdôm hơpluh klai prăk hăng lu gơnam yua pơkŏn kiăng kơ djru brơi mơnuih ƀôn sang kual hơjan kơthel ƀơi hơdôm boh tơring čar kual Kơdư găn rơgao tơnap tap.
Tui yă Nông Thị Thu, Kơ-iăng khua Jơnum min djop djuai ania mơnuih mơnam Việt Nam tơring čar Dak Lak, hơdôm hrơi tơgao, hăng pran khăp pap tơdruă, “Hla lôm gôm ba hla tơ̆i” hơmâo lar hyu amăng mơnuih mơnam ƀơi tơring čar. Mơng ƀing čơđai anet, tha rơma lêng kơ mă prăk pơkrem kiăng kơ djru brơi neh met wa kual hơjan kơthel.
Truh ră anai, Jơnum min djop djuai ania mơnuih mơnam Việt Nam tơring čar Dak Lak hơmâo tŭ mă abih tih rơbêh 16,3 klai prăk. Hrŏm hăng anun, hơmâo giăm 50 grup đuăi rơdêh pơgiăng nao gơnam mơng Dak Lak djru brơi hơdôm boh tơring čar kual kơdư hăng abih tih rơbêh 9 klai prăk.
Viết bình luận