Anăp nao tơlơi iâo pơthưr mơ̆ng Khua git gai Ping gah, Khua mir sir dêh čar ta ơi Tô Lâm hăng Jơnum min djop djuai ania mơnuih mơnam dêh čar Việt Nam, ngă tui phiăn juăt gum hrŏm hơbit, “Djru nao rai tơdruă”, “Hla hnil gôm hla tơ̆i” mơ̆ng djuai ania, Mơguah tom brơi (12/9), ƀơi Sang mă bruă Khua pơ ala mơnuih ƀôn sang dêh čar ta, hlâo kơ pok phun Mông jơnum tal 37 mơ̆ng Jơnum min apăn bruă Khua pơ ala mơnuih ƀôn sang dêh čar ta, Anom bruă Khua pơ ala mơnuih ƀôn sang dêh čar pơphun gum pơčruh, djru neh wa pơsir răm rai yua kơ kơthel tal 3 ngă.

Pơhiăp amăng mông ngă lơphet gum pơčruh, Khua čih pioh mơ̆ng Khua pơ ala mơnuih ƀôn sang dêh čar ta, Khua Anom bruă Khua pơ ala mơnuih ƀôn sang dêh čar ơi Bùi Văn Cường brơi thâo, amăng hơdôm hrơi rơgao, kơthel tal 3 hăng hơjan ia ling dăo hmâo ngă răm rai kơtang biă gah mơnuih hăng kông ngăn ƀơi lu tơring čar, ƀôn prong kual Kơdư dêh čar. Kiăng djru plai tơlơi tơnap, djru pơsir răm rai yua kơthel ngă; ngă tui phiăn juăt “djru nao rai tơdruă”, "hla hnil gôm hla tơ̆i” mơ̆ng juai ania hăng anăp nao Tơlơi iâo pơthưr mơ̆ng Khua mir sir dêh čar ta ơi Tô Lâm hăng Jơnum min djop djuai ania mơnuih mơnam dêh čar Việt Nam kơ ngă tui hơdôm bruă mă klă hiam pơdah dơlăm “pran jua djuai ania, hơdor tơngiă neh wa”, Anom bruă Khua pơ ala mơnuih ƀôn sang dêh čar ta pơphun gum pơčruh djru mơnuih ƀôn sang kual bơdjơ̆ nao kơthel ngă, răm rai, tañ hơđong tơlơi hơdip mơda./.