Kơ-iăng Khua mir sir dêh čar ta yă Võ Thị Ánh Xuân hmâo mơ-ĭt laih tơlơi gum djru, pơsur hăng ƀơk gơnam tam brơi 200 čô čơđai muai glăk dô̆ pơjrao ƀơi Anom kơsem min drah – jur drah dêh čar ta tal Tết blan Bơrơmi.

Rim anung gơnam hmâo: Ƀañ Trung thu, ia tơsâo rơmô hăng prăk mơta... hmâo tơlơi gum hrŏm mơ̆ng Keh prăk djru mơnuih duam ruă bơbrŭ asar. Kơ-iăng Khua mir sir dêh čar ta yă Võ Thị Ánh Xuân čang rơmang, pơ̆ anăp anai, Anom hmâo dong lu tơlơi kơsem min phrâo hăng hơdôm bruă mă tañ pioh djru ngă brơi bôh than mơ̆ng bruă ia jrao Việt Nam pơđĭ dlong hloh bơhmu hăng amăng kual hăng ƀơi rŏng lŏn tơnah, biă ñu lĕ bơwih brơi klă hloh dong tơlơi suaih pral mơnuih ƀôn sang./.