Tui anun, ƀing ling tơhan mơng anom bruă git gai ling tơhan tơring čar Dak Lak hơmâo pơphun pơtô pơblang tơlơi phiăn lŏn mơnai thun 2024, tơlơi phiăn căn cước thun 2023, tơlơi phiăn ngă tơhan thun 2019 hăng tơlơi phiăn rơnuk rơnua jơlan glông brơi 2.000 čô neh met wa ƀơi să Krông Jing, tơring glông M’Drăk, tơring čar Dak Lak.

Ngă tui akŏ bruă 1371 mơng Khua dêh čar kơ ngă tui tơlơi gơgrong mơng ling tơhan mut hrŏm bruă pơtô pơblang tơlơi phiăn, pơtrut pơsur mơnuih ƀôn sang ngă tui tơlơi phiăn ƀơi ƀon lan rơwang thun 2021-2027, rơbêh 3 thun rơgao, anom bruă git gai ling tơhan tơring čar Dak Lak hơmâo pok pơhai ha amăng plĕ hơdôm boh tơhnal tui akŏ bruă amăng hơdôm boh să, phường, tơring kual amăng đơ đam tơring čar, sit biă ñu đing nao hơdôm să kual ataih, asuek.