Anai ăt lĕ tơhnal pơkă mơ̆ Tơlơi pơtrun pơsit Jơnum Ping gah tơring čar tal 16 ba tơbiă. Đơ đam tơring čar Kon Tum ră anai dô̆ rơbêh kơ 2.200 bôh sang anô̆ djuai ania ƀiă ƀudah ƀu hmâo lŏn dô̆, lŏn ngă đang hmua. Rơđah biă ñu, gah lŏn dô̆, dô̆ 875 bôh sang anô̆, amăng anun, rơbêh kơ 330 bôh sang anô̆ kơƀah lŏn hăng giăm truh 540 bôh sang anô̆ ƀu hmâo lŏn dô̆.

Gah lŏn ngă đang hmua dô̆ rơbêh kơ 1.300 bôh sang anô̆, amăng anun, hmâo rơbêh kơ 800 bôh sang anô̆ kơƀah lŏn hăng rơbêh kơ 550 bôh sang anô̆ ƀu hmâo lŏn ngă đang hmua. Ơi Đinh Quốc Tuấn, Khua Grŭp djuai ania tơring čar Kon Tum, brơi thâo, tơring čar glăk ngă tui lu bruă pơsir kiăng pơsir tơlơi kơƀah lŏn dô̆, lŏn ngă đang hmua hrưn đĭ truh thun 2025 abih bang hơdôm bôh sang anô̆ djuai ania ƀiă dô̆ glăi leng kơ hmâo lŏn dô̆ hăng lŏn ngă đang hmua./.