Lơ 12/7, ƀơi Hà Nội, Khul pơsur hrăm hră Việt Nam pơphun mông jao prăk djru hrăm hră “Hrăm ƀu pơdơi ôh” tal 4 brơi ƀing čơđai sang anŏ tơnap tap hrưn đĭ hrăm rơgơi hăng ƀing mơnuih pơprong ba gru amăng thâo pơhrăm amăng djop mơta bruă mơng 25 boh tơring čar, ƀôn prong amăng kual Kơdư, kual lŏn dăo ia krông Hồng. Khul pơphun hơmâo jao prăk djru hrăm hră “Hrăm ƀu pơdơi ôh” brơi 463 čô mơnuih hơmâo ruah mơng hơdôm boh ƀon lan hăng 14 anih anom mơng gơnong glông, amăng anun hơmâo 290 čô čơđai sang hră hăng 173 čô mơnuih pơprong. Amăng anun hơmâo lu čơđai sang anŏ tơnap tap hrăm hră rơgơi.

Jao prăk djru hrăm hră brơi ƀing ba gru amăng bruă thâo pơhrăm, Kơ-iăng khua dêh čar Lê Thành Long lăng yôm tơlơi pơčeh mơng Khul pơsur hrăm hră Việt Nam hơmâo pơphun hăng tŏ tui na nao bruă jao prăk djru hrăm hră tui tơlơi pơtô mơng wa Hô “Hrăm ƀu pơdơi ôh”, prăk djru yôm phăn biă mă amăng bruă pơplông hrăm na nao tui gru hơdip mơng Khua mir sir Hồ Chí Minh.