Khul khua apăn bruă git gai Ping gah tơring čar Khánh Hòa phrâo pơsit Tơlơi pơtrun kơ Hơdră pơđĭ kyar hơđong kjăp pơtô pơjuăt truh thun 2035, lăng nao pơ anăp thun 2045, kiăng pơplih prong amăng bruă pơtô hăng pơjuăt, ba Khánh Hòa jing anih pơtô hrăm, boh thâo ia rơgơi mơ̆ng dêh čar.

Bruă kiăng ngă rơđah rơđông hơmâo pơsit: truh thun 2030, 100% nai pơtô hrăm tui Tơlơi phiăn pơtô pơjuăt; rơbêh 80% sang hră djơ̆ hơnong pơkă dêh čar; mrô čơđai hrăm abih anih 12 hơmâo rơbêh 98%, mrô čơđai hrăm gưl prong hăng găp ƀrô dong amăng mrô lu hloh amăng kual. Hrŏm hăng anun lĕ pơplih phrâo tơlơi pơtô hrăm, hơdră pơtô hrăm, ƀơ ƀrư̆ ba tơlơi Anglê jing tơlơi pơhiăp tal dua amăng sang hră, pok prong ngă hrŏm hăng jar kmar laih anun pơhưč čơđai sang hră čar rơngiao rai hrăm. Tơlơi pơtrun ăt ba tơbiă tơlơi djru phara kơ ƀing nai, pơđĭ tui prăk apah ngă nai aset biă ñu 70% kơ nai pơtô, 100% kơ ƀing nai pơ plơi pla ataih, tơnap tap, bul pơtâo plao ia rơsĭ hăng kual mơnuih ƀôn sang djuai ania ƀiă.