Khua mir sir ơi Tô Lâm bưp ƀô̆ mơta ƀing mơnuih djru hơdrŭ ba gru
Thứ ba, 11:49, 23/07/2024
VOV/Siu Đoan Pơblang
![VOV/Siu Đoan Pơblang](/themes/custom/vov_4/images/avatar.png)
VOV4.Jarai- Ƀirô tal hơdor glăi 77 thun hrơi tơhan rơka-tơhan djai pơsăn drơi (27/7/1947-27/7/2024), tlam hrơi anai, ƀơi Ƀirô mă bruă, Khua mir sir ơi Tô Lâm bưp ƀô̆ mơta ƀing mơnuih djru hơkrŭ ba gru đơ đam dêh čar; ƀing amĭ Việt Nam sông kơtang, ling tơhan hơđăp, tơhan rơgơi bơwih ƀong hăng sang anŏ tơhan djai pơsăn drơi jăn.
Amăng mông bưp, Khua mir sir ơi Tô Lâm pơdah pran hơdor tơngia ƀing tơhan sông kơtang djai pơsăn drơi yua kơ tơlơi rơngai lŏn ia, hơmâo mơ-it nao ƀing amĭ Việt Nam sông kơtang, ƀing tơhan rơka, tơhan ruă kă, sang anŏ tơhan djai pơsăn drơi hrŏm hăng abih bang tơhan tơlơi tơña blan, tơlơi pơpŭ bơni, hơdor tơngia.
![Khua mir sir phĭn rup hăng ƀing tơhan djru hơkrŭ ba gru đơ đam dêh čar](https://vov4-media.solidtech.vn/sites/default/files/styles/large/public/2024-07/chu_tich_nuoc_chup_anh_cung_cac_dai_bieu_20240722170700_0.jpg)
Khua mir sir rơkâo djop gưl Ping gah, gong gai tŏ tui pơsir hĭ klă hơdôm hơdră bruă, sit biă ñu rŭ pơdong, gum djru tơdơi rơnuk blah wang, pơphun hyu ĕp, klơi pơƀut glăi tơlang tơleh tơhan djai pơsăn drơi, ƀing mơnuih djru hơkrŭ aka ƀu tŭ mă hơdôm hơdră djru; đing nao pơplih tơlơi hơdip, bơwih brơi tơlơi suaih pral kơ ƀing mơnuih hơdip hajăn ƀu hơmâo hlơi gơnang nao.
Viết bình luận