Ƀơi mông ngă lơphet, pơ ala kơ hơdôm bôh anom bruă amăng Khul bơkơtưn mrô III – Khul mut phung mơnuih mă bruă čar Việt Nam hmâo jao laih prăk djru pơdŏng sang dô̆ hơdor tơngiă kơ mơnuih amăng khul Đinh Tân, hmâo tơlơi hơdip tơnap ră anai glăk mă bruă ƀơi tơring glông Đăk Pơ, tơring čar Gia Lai. Sang anô̆ hmâo 2 čô ană duăm ruă na nao, amĭ tha pran tơdu anun rơkơi bơnai Đinh Tân ƀu hmâo ngăn rơnoh pioh pơdŏng sang dô̆.

Mơ̆ng akô̆ thun truh ră anai, Khul bơkơtưn mrô III – Khul mut phung mơnuih mă bruă čar Việt Nam hmâo djru laih prăk pơdŏng hơdôm pluh bôh sang dô̆ hơdor tơngia, pơphun lu bruă mă djru čơđai sang hră ƀun rin, ling tơhan rơka ruă hăng hơdôm mơnuih amăng khul tơnap tap ƀơi hơdôm kual ataih, asuek. Ƀrô djơ̆ tal anai, Khul bơkơtưn mrô III – Khul mut phung mơnuih mă bruă čar Việt Nam hmâo ƀơk laih kơ neh wa djuai ania ƀiă tơnap tap ƀơi Gia Lai 300 pok hră pơgang gah ia jrao./.