Klơi pơƀut 13 per tơlang tơleh tơhan ƀơi plơi prong hơđăp Diên Khánh
Thứ năm, 07:00, 27/08/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ƀơi să Diên Khánh, tơring čar Khánh Hòa, anom bruă bơdjơ̆ nao pơphun nao tŭi ñang, dưm guang bơnga pioh hơ-ŭ hơdor hăng jao glăi 13 per tơlang tơleh tơhan hơmâo ĕp ƀuh ƀơi kual sang mơnă hơđăp amăng plơi prong sô hơđăp Diên Khánh.
Hlâo anun, mơng kơnôl 19/8, mơng hơduah ĕp, klơi rŭ ƀơi plơi prong hơđăp Diên Khánh, ƀing ling tơhan hơmâo ĕp ƀuh 5 anih hơmâo tơlang mơnuih hrŏm hăng sa, dua gơnam pơkŏn anun lĕ boh phao, čai dầu gió…Amăng ha wŏt hrơi tơjuh, anom bruă bơdjơ̆ nao hơmâo klơi rŭ đĭ 13 per tơlang tơleh, mă čơđet meh tơlang djru brơi bruă pơčrang ADN.
Tui hră čih pioh hăng tơlơi lăi pơthâo hơmâo tŭ mă, kual sang mơnă hơđăp amăng plơi prong sô hơđăp Diên Khánh juăt lĕ anih krư̆ ƀing apăn bruă, tơhan ngă hơkrŭ. Lu mơnuih djai pơsăn drơi lơm ayăt mă krư̆ hăng djai arăng dor ƀơi anai. Ră anai hơdôm anom bruă glăk tŏ tui pok prong anih hyu ĕp, klơi rŭ đĭ tơlang tơleh tơhan.
Viết bình luận