Pơhiăp amăng mông ƀơk gơnam, Kơ-iăng Khua mir sir dêh čar ta yă Võ Thị Ánh Xuân lăi rơđah, tơring čar Gia Lai hăng kual Dap Kơdư lĕ anih anom hmâo bruă mă pơgang lŏn ia – rơnuk rơnua plơi pla, hmâo bôh thâo đưm phara ha jăn mơ̆ng neh wa djop djuai ania.

Pơdah pran jua mơ-ak lơm bruă bơwih ƀong djă pioh dong rơnoh đĭ kyar, bôh thâo đưm mơnuih mơnam hmâo lu tơlơi pơplih, Kơ-iăng Khua mir sir dêh čar ta bơni hơdôm bôh ƀirô apăn bruă mơ̆ng tơring čar Gia Lai hmâo pioh laih rơbêh kơ 50 klai prăk bơwih brơi kơ sang anô̆ gah hơdră bruă, hơdôm gưl mơnuih ƀôn sang, neh wa djuai ania ƀiă kual asuek, ataih, mơnuih mă bruă čar, mơnuih mă bruă amăng tal Tết tui phiăn juăt Ất Tỵ 2025. Amăng jơlan hơdră, Kơ-iăng Khua mir sir dêh čar ta yă Võ Thị Ánh Xuân hmâo jao laih 500 anung gơnam hmâo nua 500 klăk prăk truh mơnuih ƀun rin tơring čar Gia Lai./.