Amăng mông hơ-ŭ hơdor, tŭi ñang ƀơi hơdôm pơsat dor tơngan djai pơsăn drơi jăn, grup hyu mă bruă mơng Kơ-iăng Khua mir sir hrŏm hăng khua mua tơring čar Quảng Trị pơdah pran hơdor tơngan ƀing tơhan djai pơsăn drơi jăn lĕ ƀing tuh drah pơčah asar wai pơgang lŏn ia.

Kơ-iăng Khua mir sir yă Võ Thị Ánh Xuân hơmâo nao čuă, ƀơk gơnam brơi ƀing amĭ Việt Nam sông kơtang Lê Thị Mót dŏ ƀơi să Gio Sơn, tơring glông Gio Linh, nao čuă sang anŏ ơi Nguyễn Long Khiếm dŏ amăng phường 1, plơi prong Đông Hà; jao 60 anung gơnam brơi hơdôm sang anŏ tui hơdră djru, amĭ Việt Nam sông kơtang, sang anŏ djru hơkrŭ, amĭ Việt Nam sông kơtang, sang anŏ hơmâo tơhan ngă hơkrŭ amăng tơring glông Triệu Phong. Kơ-iăng Khua mir sir yă Võ Thị Ánh Xuân hơmâo nao tơña bla, pơdah pran hơdor tơnga ƀing mơnuih tuh rơyuh pran jua lĕ ƀing amĭ Việt Nam sông kơtang kah hăng sang anŏ hơmâo tơhan djru hơkrŭ hăng sang anŏ tơhan djai pơsăn drơi jăn.