Pơhiăp amăng mông jơnum, Kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải lăi: Ping gah, Kơnuk kơna hơdor pioh glăi mơ̆n gơnam hơdor tơngia kơ anŏ rơngiă rơngiom pơsăn drơi jăn prong prin mơ̆ng mơnuih ngă bruă hơkrŭ; laih dơ̆ng čang rơmang djop sang anŏ tơhan rơka, sang anŏ hơmâo mơnuih pơsăn drơi jăn yua kơ lŏn ia ăt djă pioh gru grua hiam hơkrŭ đưm, gru grua khin hơtai tui tơhan rơnuk Wa Hô, kiăng pơtô lăi kơ ană tơčô jing mơnuih ngă bruă tŭ yua kơ bruă mơnuih mơnam dêh čar.

Kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải rơkâo gong gai kơnuk kơna tơring čar ăt đing nao lu hloh pioh lu gơnam ngă gêh găl djru ba sang anŏ ƀing tơhan rơka rơkač, mơnuih pơsăn drơi jăn yua kơ lŏn ia sang anŏ ngă hơkrŭ đưm hrưn đĭ bơwih ƀong huă amăng tơlơi hơdip mơda.