Kiăng pok pơhai hơdră bruă anai, kông ang tơring čar hơmâo iâu pơƀut glăi 13 kông ti man pơdong hăng rơbêh 700 čô mơnuih mă bruă rĭm hrơi, hrơi hăng rơbêh 300 čô mơnuih apăn bruă, ling tơhan nao djru hrŏm, pơgôp giăm 5.500 hrơi mă bruă djru man pơdong. Kông ang hơdôm boh să, phường mut hrŏm gong gai ƀon lan jak iâu dong 4.973 čô kông ñơn ƀơi hơdôm ƀon lan. Amăng abih tih 176 boh sang, truh ră anai hơmâo pơgiong hăng jao 106 boh sang. Hăng 70 boh sang dŏ glăi, yua hơdôm boh sang anŏ glăk tơguăn pơhrua prăk dong kiăng man pơdong prong ƀiă, kông ang tơring čar hơmâo gum hrŏm pel ĕp, pơhlôm brơi djơ̆ mơnuih, djơ̆ ngăn rơnoh hăng djơ̆ hrơi mông.

Thiếu tướng Phan Thanh Tám, Khua kông ang tơring čar Dak Lak pơsit tong, bruă pơgiong hơdôm boh sang blung a amăng ƀiă hrơi ƀu djơ̆ kơnong yôm phăn amăng djru brơi mơnuih mơnam mơ̆ ăt hơmâo tơlơi gum hrŏm amăng tơhan kông ang, gưl Ping gah, gong gai hăng hơdôm anom bruă bơdjơ̆ nao ƀơi ƀon lan amăng bơwih brơi tơlơi hơdip mơnuih ƀôn sang, sit biă ñu hơdôm boh sang anŏ bơdjơ̆ nao yua hơjan kơthel rơgao.