Tui hăng anun, ƀing čơđai sang hră 4 boh sang hră gưl klâo hrăm Chuyên hơmâo sang ataih mơ̆ng sang hră mơ̆ng 15 km pơngŏ, dưi tŭ mă prăk djru dŏ glăi ƀơi sang hră, prăk apah yua apui, yua ia; laih dơ̆ng tŭ mă prăk huă ƀong 936.000 prăk rim blan.

Hăng hơdôm čô čơđai sang hră aka hơmâo tơlơi djru ba anih dŏ, rơngiao kơ prăk ƀong huă, ƀing čơđai anun amra tŭ mă prăk djru 360.000 prăk rim blan, prăk apah anih dŏ. Jơlan hơdră djru ba hmao kru djơh hăng anai mơ̆ng tơring čar Lâm Đồng dưi ngă tui mơ̆ng thun hrmă 2026-2027 ƀu kơnong ngă plai ƀiă kơƀah prăk kăk kơ sang anŏ, dŏ ngă anŏ gêh găl djru kơ čơđai sang hră, sang dŏ ataih mơ̆ng sang hră dưi dŏ glăi giăm sang hră hơđong pran jua hrăm ƀơi 4 boh sang hră hrăm Chuyên tơring čar: Sang hră THPT chuyên Bảo Lộc, sang hră THPT chuyên Thăng Long, sang hră THPT chuyên Trần Hưng Đạo hăng sang hră THPT chuyên Nguyễn Chí Thanh.