Mơnuih ƀun rin ƀơi Gia Lai hrưn đĭ yua mơng prăk čan djru mơnuih mơnam
Thứ tư, 10:08, 17/07/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tơdơi kơ 10 thun ngă tui tơlơi črâo trun mơng Khul git gai Ping gah “Kơtưn amăng git gai bruă mă mơng Ping gah hăng bruă djru čan prăk brơi mơnuih mơnam”, hơdôm rơtuh rơbâo čô mơnuih ƀun rin amăng tơring čar Gia Lai hơmâo djru brơi kiăng hrưn đĭ pơklaih mơng ƀun rin.
Truh ră anai, prăk čan djru mơnuih mơnam hơmâo pok pơhai tơl hơdôm boh să kual ataih, asuek đơ đam tơring čar Gia Lai. Abih tih prăk brơi čan mă kmlai ƀiă giăm 16.500 klai prăk, hăng rơbêh 500 rơbâo boh sang anŏ ƀun rin, giăm ƀun rin hăng sang anŏ tui hơdră djru pơkŏn dưi čan prăk. Amăng mrô anai, mơnuih djuai ania ƀiă giăm ha mơkrah. Mơng anun, mrô sang anŏ ƀun rin amăng tơring čar Gia Lai dưi hrŏ trun mơng rơbêh 23% thun 2014 dŏ rơbêh 8% tui ră anai.
Prăk čan mơng hơdôm jơlan hơdră djru čan prăk pơgôp ngă tui jơlan hơdră tui hơnong pơkă dêh čar amăng pơhrŏ trun ƀun rin hơđong kjăp, man pơdong plơi pla phrâo, pơđĭ kyar bơwih ƀong huă-mơnuih mơnam kual mơnuih djuai ania ƀiă hăng čư̆ siăng amăng tơring čar Gia Lai.
Viết bình luận