Ƀrô tal hơdor glăi 77 thun hrơi tơhan rơka-tơhan djai pơsăn drơi (27/7), Khua mir sir hơmâo ƀơk gơnam brơi giăm 1,4 klăk čô mơnuih djru hơkrŭ, sang anŏ tơhan djru hơkrŭ hăng abih tih giăm 420 klai prăk. Kơnuk kơna ăt hơmâo tơlơi pơtrun mrô 77, lơ 1/7/2024 pơkă bruă pơplih djru brơi mơnuih ngă hơkrŭ hăng đĭ 35,7%. Anai lĕ rơnoh prăk djru lu hloh tơdơi kơ lu wŏt pơplih, hơmâo mơnuih ƀôn sang hăng mơnuih djru hơkrŭ, sang anŏ tơhan djru hơkrŭ tŭ ư biă mă.

Ding jum bruă mă, tơhan rơka hăng mơnuih mơnam hơmâo čih pơkra tong ten anăn apăn ƀing tơhan djai pơsăn drơi. Bruă đing nao, bơwih brơi, ngă tui klă bruă hơdor tơngia ƀu djơ̆ kơnong pơdah pran khăp pap hăng ƀing tơhan rơka, tơhan duam ruă, sang anŏ tơhan djai pơsăn drơi hăng mơnuih djru hơkrŭ plai ƀiă tơnap tap đôč ôh mơ̆ ăt lĕ tơlơi glăm ba mơng rơnuk tơdơi kiăng kơ djru brơi mơnuih tuh rơyut pran jua yua kơ tơlơi rơngai, rơnuk rơnua lŏn ia ta.