Ngă tui Jơlan hơdră “Amĭ djru ba – Tết kiăng khăp” yua kơ Khul pơlir hơbit đah kơmơi dêh čar Việt Nam pok phun, truh ră anai ƀơi tơring čar Dak Lak hmâo laih 870 čô čơđai drit druai dưi čơkă djru ba hăng rơbêh kơ 2.000 čô čơđai dưi djru gơnam tam, pơsur pran jua hăng lu hơdră, hăng abih bang nua ñu giăm truh 10 klai prăk.

Ƀơi Jơlan hơdră ƀing čơđai hmâo bơkơtuai, tô̆ nao rai hăng ƀing amĭ djru ba, lăi pơthâo tơlơi pơmin hăng pơdah pran jua hăng hơdôm mơnuih glăk bơwih brơi, djru ba pô. Tal anai, Grŭp pơphun bruă hmâo jao laih 66 anung gơnam kơ ƀing čơđai sang hră hmâo bôh than hrăm hră klă; Tô nao rai hơdôm khul grŭp, mơnuih, ƀing čơmah thâo tơngia čơkă djru ba 9 čô čơđai muai hmâo tơlơi hơdip tơnap, ngă lar hyu dong tơlơi kiăng khăp, tơlơi gum djru gah gơnam tam hăng pran jua, pơjing pơtrut djru ƀing čơđai yak rơgao tơlơi tơnap, hrưn đĭ amăng hrăm hră hăng tơlơi hơdip mơda./.