VOV4.Jarai - Le\ tơring glông giăm guai lo\n ia, amăng rơwang thun 2015-2020 Ping gah ling tơhan tơring glông C|ư\ Prong, tơring c\ar Gialai dưi ngă lu tơlơi yôm phăn anun le\: Pơphô bruă pơgang rơnuk rơnua amăng kual jai hrơi klă tui; bruă pơtô hrăm [u pơdơi hrưn đ^; anom bruă ling tơhan jai hrơi hơkru\ klă [iă, djop mơta, hơmâo lu tơlơi pơplih hơđong kjăp, gum pơgôp amăng bruă pơjing khul ling tơhan kjăp djop mơta bruă…

Ba [ing gơmơi nao c\uă anih pơtop hrăm tơhan Jít Tú (să Bình Giáo), Thiếu tá Phạm Thanh Tùng – Khua apăn bruă amăng Anom bruă git gai ling tơhan tơring glông C|ư\ Prong brơi thâo: Amăng rơwang thun laih rơgao, anom bruă hơmâo pơphô bruă brơi Ping gah tơring glông, Jơnum min mơnuih [on sang tơring glông pok prong tơdron pơtop hrăm tơhan rơhaih giăm 19,6 ektar, amăng anun tuh pơ alin pơkra ming 2,5 ektar hăng rơnoh prăk rơbêh 14 klai prăk.

Tơdron pơtop hrăm hơmâo anih do\ phara brơi tơhan wai pơgang amăng plơi pla, hơmâo dơnao ia mơnơi, sang jơnum, anom bruă git gai, đang pla a`ăm tam, anih rông hlô mơnong hăng pơhlôm klă brơi anih do\ hơdip, pơtô hrăm brơi tơhan mơng 120 -150 c\ô.

{u djơ\ kơnong gum pơgôp ngă klă tui bruă pơtô hrăm hăng hơmâo pel e\p r^m thun 100% djơ\ hăng tơlơi rơkâo đôc\ ôh mơ\, tơdron pơtô hrăm tơhan ăt dưi mă yua amăng lu mơta bruă phara kiăng pơhlôm rơnuk rơnua. Lơ\m kman Covid-19 gluh đ^, amra mă yua kiăng ngă sang pơc\lah mơnuih [ă kman.

Lăi pơthâo kơ boh tu\ yua mơng anih pơtô hrăm tơhan, ơi Ngô Địch Long – Khua Anom bruă git gai ling tơhan să Ia Mơr brơi thâo: Hlâo anun, bruă pơtô hrăm tơhan hơmâo pơphun tui [ut anun le\ [ơi hơdôm să: Ia Ga, Ia Lâu, Ia Piơr, Ia Mơr, Ia Púch.

Bruă găn nao rai hơdôm să anai ataih biă mă, gleh glar amăng bruă nao rai brơi [ing apăn bruă, [ing tơhan. Yua anun, amăng hơdôm hrơi pơtô hrăm, anom bruă amra mă yua jang jai hơdôm anom bruă [ơi să [udah pơdong mă sang ngă anih do\ hơdip brơi [ing tơhan.

Samơ\, lu gơnam tam kơ[ah, laih dong lu să kho\t ia yua amăng bơyan phang ngă kơ bruă pơtô hrăm bưp tơnap tap. Lơ\m anih pơtô hrăm tơhan Jít Tú pơkra giong, jing huăi tơnap tap dong tah.

Amăng hơdôm hrơi pơtô hrăm tơhan [ơi anai, [ing tơhan hơmâo mông hrăm tơlơi phrâo kah hăng lăng glăi hơdôm tơlơi hrăm hơđăp laih dong huăi hơmâo tơlơi pơsuh mơng gah rơngiao yua anun bruă pơtôm hrăm tu\ yua biă mă.

Amăng rơwang thun 2015-2020, Ping gah Ling tơhan tơring glông hơmâo gum hro\m hăng Grup pơphun Ping gah tơring glông, Ping gah hơdôm să, tơring kual pơphô bruă brơi Ping gah tơring glông pơjing hơdôm grup ling tơhan, gum pơgôp hrưn đ^ bruă mă kơ tơhan [ơi [on lan.

Truh ră anai, 20/20 anom bruă ling tơhan să, tơring kual gưl Ping gah; 100% mrô Kơ-iăng Anom bruă git gai Khul ling tơhan gưl să le\ [ing mơnuih apăn bruă Ping gah; mrô khua [ut plơi le\ Ping gah giăm 71%.

Bruă pơđ^ kyar Ping gah amăng khul tơhan wai pơgang amăng plơi pla, tơhan prap lui jai hrơi hơmâo tơlơi đing nao. Tơdah thun 2015, mrô mơnuih apăn bruă Ping gah amăng khul ling tơhan hơmâo 14,7% đôc\ truh thun 2019 le\ rơbêh 21%.

Tơring glông C|ư\ Prong hơmâo 41,2 km jơlan guai hăng tơring c\ar Ratanakiri (dêh c\ar Kur), bruă pơgang rơnuk rơnua amăng kual ăt do\ bưp lu tơnap tap mơn. Amăng thun blan laih rơgao, Ping gah ling tơhan tơring glông hơmâo gum hro\m kjăp hăng hơdôm khul ling tơhan pơko\n hyu tir, pel e\p, wai lăng [u brơi mơnuih mut nao rai.

Mơng thun 2015 truh ră anai, Ling tơhan tơring glông hơmâo pơphun hơdôm rơtuh wo\t hyu tir, pel e\p kơplah wah [ing tơhan hăng e\p [uh, pơsir h^ 9 amăng 74 wo\t bruă mơnuih djuai ania [iă glăk e\p jơlan găn rơgao guai lo\n ia; pơgăn h^ 232 c\ô mơnuih him lăng glăp pre lui găn rơgao guai lo\n ia.

Ơi Bùi Viết Hội - Khua git gai Ping gah tơring glông C|ư\ Prong lăi pơto\ng: “Amăng rơwang mơng thun 2015-2020, Ling tơhan tơring glông hơmâo djă pioh pran gum pơgôp mut hro\m, kiăo tui lăng na nao; hro\m hăng tơhan kông ang, tơhan wai pơgang guai lo\n ia pơphô bruă djru brơi gưl Ping gah, gong gai [on lan amăng bruă wai pơgang rơnuk rơnua, hơđong amăng mơnuih mơnam kah hăng [ơi kual giăm guai lo\n ia’’.

Ăt tui hăng Khua git gai Ping gah tơring glông, amăng rơwang mă bruă laih rơgao, Ping gah ling tơhan tơring glông ăt pơphô bruă klă amăng pơjing hăng hơkru\ hơđong khul tơhan [ơi [on lan, biă mă `u le\ pơjing bruă pơgang rơnuk rơnua amăng abih bang mơnuih hăng wai pơgang hơđong [ơi guai lo\n ia.

Tui anun, Ling tơhan tơring glông hơmâo gum tơngan hro\m hăng gưl Ping gah, gong gai [on lan djru pơhro\ trun [un rin, man pơdong plơi pla phrâo.

Siu Đoan: Pơblang hăng pôr