VOV4.Jarai - Tom brơi (26/10), tơring čar Lâm Đồng hơmâo 6 čô mơnuih phrâo ƀă klin COivd-19. Amăng anun hơmâo 4 čô mơnuih lĕ lar mơng anih phrâo ƀuh amăng plơi prong Đà Lạt. Tui hơduah ĕp blung a, anom bruă bơdjơ̆ nao tơring čar Lâm Đồng pơsit anih ngă lar hyu klin lĕ mơng 4 čô mơnuih mơng ƀôn prong Hồ Chí Minh glăi pơ Đà Lạt hăng ƀing gơñu dŏ ƀơi sang jưh tuai.

Gơnong bruă ia jrao tơring čar Lâm Đồng ječ ameč ba tơbiă hră pơtrun mrô 71 kiăng kơ ĕp ƀing mơnuih nao pơ 10 anih ƀing ƀă klin găn nao, amăng anun hơmâo sang jưh tuai, sang čơ, sang mơñum ƀong, sang mơñum kơphê, trà sữa, sang sĭ jrao hăng sang sĭ gơnam tam. Hrŏm hăng anih hơmâo mơnuih ƀă klin anai, tơring čar Lâm Đồng glăk pel ĕp, kiăo tui lăng 19 anih ƀuh mơnuih ƀă klin pơkŏn. Ră anai Lâm Đồng hơmâo abih tih 490 čô mơnuih ƀă klin Covid-19, amăng anun hơmâo 313 čô mơnuih pơjrao suaih dưi glăi pơ sang.

Siu Đoan: Pơblang