VOV4.Jarai - Ƀơi Đà Nẵng, tơdơi kơ 1 wŏt hrơi tơjuh brơi ƀing čơđai anih 12 pơwŏt glăi nao sang hră, pơhlôm bruă pơgang klin, lơ 29/11, ƀing čơđai hrăm anih 10 hăng 11 amăng ƀôn prong anai ăt pơwŏt glăi nao sang hră. Mrô čơđai sang hră anih 10 hăng 11 pơwŏt glăi nao sang hră lu biă mă yua anun hơdôm sang hră gưl tlâo ƀơi ƀôn prong Đà Nẵng lêng kơ gơgrong pok pơhai bruă pơgang klin Covid-19. Hlâo anun, kiăng kơ prap lui bruă pơtô hrăm, djop sang hră lêng kơ akŏ pơjing khul git gai pơgang klin Covid-19, grup wai pơgang klin Covid-19, prap lui anih pơčlah phara hăng anih pơtô hrăm, amra hơdeč hmar lơ̆m ƀuh hlơi thơi ƀă virus Sars-Cov2. Truh ră anai, ƀôn prong Đà Nẵng hơmâo pơgiong tlâ̆o brơi 2 ară vaccine pơgang klin Covid-19 kơ ƀing čơđai sang hră gưl tlâo. Anai lĕ tơlơi yôm kiăng kơ pơhlôm pơgang ƀing čơđai lơ̆m pơwŏt glăi nao sang hră amăng hrơi blan klin dŏ ngă tơnap tap.

Siu Đoan: Pơblang