VOV4.Jarai - Amăng tơlơi bơwih [ong tơnap tap tơdơi kơ hơdôm hrơi klin Covid-19 ngă, ngă hơget kiăng djru mơnuih [ôn sang pơđ^ kyar, hơkru\ tơlơi bơwih [ong huă glăk jing tơlơi đing nao mơng gong gai plơi pla, hơdôm khul gru\p mơnuih mơnam.

{ơi Daklak, Khul đah kơmơi tơring ]ar Daklak hmâo pơphun laih mông Bơkơtuai “Lăi pơthâo tơlơi găn rơgao jơlan gah pơtrut bruă mă gah hơdră bơwih [ong huă lu mơnuih yua đah kơmơi wai lăng” le\, jing sa bruă bơkơtuai djru adơi amai đah kơmơi hmâo dong tơlơi găn rơgao bruă mă gru\p, khul hrom hăng djru nao rai tơdruă pơđ^ kyar bơwih [ong.

Amăng mông bơkơtuai phrâo pơphun amăng rơnu] blan 5 rơgao, [ing khua pơ ala hmâo đing nao lăi pơthâo sa dua bôh yôm phun kah hăng: Hơdôm hơdră pơtrun, hơdră bruă mơng Ping gah, Kơnuk kơna djru anom mă bruă hrom, gru\p mă bruă hrom ba glăi bôh tu\ yua;

Hơdôm bôh than bơdjơ\ nao, pơhmăi nao truh bôh tơhnal bruă mă mơng Anom mă bruă hrom hăng tơlơi găn rơgao wai lăng git gai anom mă bruă hrom ba glăi bôh tơhnal;

Hơdôm tơlơi Khul wai lăng anom mă bruă hrom kiăng đing nao kiăng git gai bruă mă mơng anom djơ\ tơlơi pơkă mơng tơlơi phiăn hăng pơđ^ tui ano# klă bruă mă.

Bơkơtuai ăt lăi nao mơn bruă pơtrut pơsur đah kơmơi, biă `u đah kơmơi djuai ania [ia\ gum hrom ding kơna amăng anom; hơdôm tơlơi tơnap tap, tơlơi gun amăng bruă mă gah anom.

Bruă wai lăng git gai; pơsir gơnam tam s^ mdrô mơng anom mă bruă hrom; hơdôm tơlơi tơnap mơng Khul đah kơmơi amăng bruă djru pơdo\ng hơdôm bôh anom mă bruă hrom [udah gru\p mă bruă hrom yua đah kơmơi wai lăng.

Amai H’ Huân Niê, gru\p rơngaih mơ`ăm [ôn Tring 4, să Ea Blang, plơi prong Buôn Hồ lăi pơthâo:

“Kâo mơ-ak biă yua kơ dưi hrăm tui tơlơi găn rơgao hăng dưi lăi pơthâo hơdôm tơlơi găn rơgao mơng drơi pô truh [ing adơi amai. Gru\p rơngaih mơ`ăm [ing gơmơi [ơi [ôn Tring 4 ăt phrâo pơdo\ng mơn, anun do# hmâo lu tơlơi kơ[ah tơnap.

Yua anun kâo ]ang rơmang rơgao kơ jơlan hơdră plơi pla, Kơnuk kơna đing nao ngă gal brơi lu hloh dong kơ hơdôm hơdră bruă kah hăng djru ngăn rơnoh  kơ adơi amai kiăng dưi ngă rai lu gơnam tam hloh pioh lăi pơhư\] gơnam tam mơng djuai ania Êđê amăng lo\n ia ta hăng pơ\ dêh ]ar ta] rơngiao, ăt kiăng djă pioh hăng ngă tui gru grua djuai ania pô mơn.”

{ing khua pơ ala bơkơtuai amăng mông jơnum

Tui hăng yă Trần Thị Phong, Kơ-iăng Khua Khul đah kơmơi tơring ]ar Daklak, hơdôm bôh yôm amăng mông bơkơtuai amra djru pơsit jơlan gah hơdôm bruă pơsir ba glăi bôh tu\ yua, jing bôh than kiăng ]râo ba, pơsur, djru hơdôm anom bruă Khul pơtlaih hơdôm tơlơi tơnap, pơdo\ng dong hăng pơđ^ tui bôh tơhnal bruă bơwih [ong hrom lu mơnuih pơ\ anăp anai.

“}ang rơmang le\ rơgao kơ bruă tô nao rai mơng anom mă bruă hrom tal anai, lăi pơthâo rah hăng amra hmâo lu gơnam tam mơng adơi amai pơphun bruă ăt kah hăng hơdôm mơta gơnam tam mơng anom mă bruă hrom hăng gru\p mă bruă dưi tô nao rai kiăng s^ hyu ngă hiưm hơpă pioh pơhlôm anih anom s^ mdrô gơnam tam hơđong, kiăng gum hrom hăng hơdôm anom mă bruă hrom pioh dưi s^ gơnam tam mơng adơi amai pơkra rai.”

Khua pơ ala đah kơmơi hăng khua pơ ala anom mă bruă hrom k^ pơkôl jơlan hơdră gum hrom

Tal anai, Khul pơlir hơbit đah kơmơi tơring ]ar Daklak hmâo lăi pơthâo laih ]ra\n hơdră “Gơnam tam pơphun bruă mơng đah kơmơi tơring ]ar Daklak” amăng plăng web Pơhing điện tử tơring ]ar.

Hrom hăng anun pơphun k^ pơkôl hăng Anom mă bruă hrom bơwih gah đang hmua hơdjă Daklak pok pơhai jơlan hơdră gum hrom tô nao rai gơnam tam pơphun bruă mơng đah kơmơi [ơi anih lăi pơthâo gơnam tam [ơi anăn 99 Nguyễn Khuyến, plơi prong {uôn Ama Thuo#t, tơring ]ar Daklak.

Ơi Nguyễn Phi Hồng Ngọc, Khua Anom mă bruă hrom gah bruă đang hmua hơdjă Daklak brơi thâo, tơdơi kơ k^ pơkôl, anom amra kơtưn djru gum kiăng hơdôm gơnam tam gum hrom juăt hăng giăm hloh hăng mơnuih blơi yua.

“Bơnah gah gơmơi amra bưp [ơi anăp hơdôm anom mă bruă hrom mơng đah kơmơi hăng gum hrom hăng hơdôm bôh anom mă bruă hrom kiăng pơđ^ tui ano# klă gơnam tam hloh.

Mă yua bôh thâo phrâo đ^ tui noa gơnam tam ngă rai; s^ mdrô amăng plăng điện tử [ơi glông Website mơng anom mă bruă hrom hăng tô mut amăng hơdôm gơnam tam hơdjă mơ\ anom mă bruă hrom hmâo pơdo\ng truh pơ\ năng ai `u 12 bôh tơring ]ar, [ôn prong amăng đơ đam dêh ]ar.”

Hơdôm gơnam tam dưi pơdă s^ [ơi anih tô nao rai dưi hmâo lu mơnuih đing nao, hơduăh e\p lăng

Amăng tơlơi tơnap tap, kiăng biă tơlơi gum hrom kiăng pơđ^ tui bôh tơhnal bơwih [ong. Hơdôm bruă mă gru\p, khul, gru\p mă bruă hrom amra djru adơi amai gơgrong pran kơja\p, hmâo dong pran jua gum hrom pơđ^ kyar bơwih [ong hluai tui ano# gal, tơlơi hmâo hơđăp mơng kual lo\n }ư\ Siăng, pok tơbiă hơdôm tơhnal gal đ^ dong prăk pơhrui glăi kơ sang ano# hăng mơnuih mơnam.

Siu H’ Prăk: Pô ]ih hăng pôr