VOV4.Jarai - Thôn B’Nơ C, tơring kual Lạc Dương, tơring glông Lạc Dương, tơring c\ar Lâm Đồng hmâo 100% mơnuih [on sang djuai ania K’Ho.

Amăng hơdôm thun laih rơgao, yua hmâo pơplih tơlơi pơmi\n, tơlơi ngă bruă, gir ktir hrăm tui, ba tơlơi pơc\eh rơgơi mut amăng bruă mă, sut lui hi\ tơlơi phiăn hơđăp, lăng yôm hăng sa pran jua gum djru ngă jơlan hơdră man pơdong plơi pla phrâo… truh ră anai, tơlơi hơdip mơda mơnuih [on sang hmâo pơđ^ tui laih.

Kiăng hmâo boh tu\ yua tui hăng anai, rơngiao kơ tơlơi gum djru mơng ping gah hăng kơnuk kơna, hmâo mơn tơlơi gum djru [u [ia\ ôh mơng [ing apăn bruă kar hăng amai Rơ Ông Ka Ương – khoa apăn bruă khul đah kơmơi amăng plơi. Tơlơi ră ruai anai yua kơ Quang Sáng, pô mă tơlơi pơhing mơng Gong phun jua pơhiăp dêh c\ar Việt Nam do\ [ơi kual C|ư\ Siăng lăi pơthâo.

}ơkă jum [ing gơmơi amăng sang prong hiam, phrâo biă mă laih anun hơmâo djop mơta mơnong mơnoă yua ngă mơak pran jua, amai Rơ Ông Ka Ương brơi thâo: kiăng kơ ană plơi pla amăng [on bơplih hơdră tơlơi pơmin sô hơđăp, blung hlâo le\ ta pô mơtam yơh pô ba jơlan hlâo amăng bruă ngă tui anun.

Yua kơ anun, 7 thun hlâo adih, 5/8 ar đang kơphê sang ano\ gơ`u, tha laih, priâo kơ than đô] [u mơboh ôh, `u hlong bơplih ba pla ngă đang a`ăm djop mơta tui hơdră bơplih nao rai.

Laih [uh hơdră ngă anun mơng sang ano\ amai Ka Ương dưi pơhrui glăi, lu sang ano\ adơi amai đah kơmơi amăng plơi hrăm tui hăng bơplih đang hmua pô. Amai Rơ Ô Ka Ương, lăi:

“Kâo pô mơtam djru pơtô brơi neh wa adơi amai đah kơmơi hrơi amăng plơi. Ta hơmâo baih sang do\ klă hiam, hơmâo djop mơta mơnong mơnoă gơnam yua, lăng glăi [uh lu adơi amai đah kơmơi do\ tơnap tap đơi, amăng pran jua kâo [u mơak ôh.

Hlâo adih, yua aka [u thâo hluh, aka [u ngă tui hơdră phrâo ia rơgơi amăng bruă ngă hmua pla pơjing, anun yơh adơi amai kơ[ah eng yâo ao hiam, mơnong [ong huă jơman.

Ră anai, ta thâo thăi baih hrăm tui mơne] phrâo ia rơgơi, anun kiăng pơtô ba [ing adơi amai đah kơmơi amăng [on hrăm tui. Kâo gir nao tơl djop sang, ră ruai tom, djru ba.

Truh ră anai [uh sang ano\ [ing adơi amai anun djop [ong huă, hơmâo prăk djă pioh, brơi ană hrăm hră djop ta mơak mơn”.

Rơngiao pla a`ăm đô], sang ano\ amai Rơ Ô Ka Ương do\ đang bơnga, pioh s^ than ]ơnuh r^m hrơi, r^m blan, pioh ba nao pơ Đà Lạt adih.

Pơhlưh abih rơnoh prăk, r^m thun sang ano\ `u hơmâo kơmlai dong truh 300 klăk prăk.

Hơdră pla bơnga, pla a`ăm sang ano\ amai Ka Ương jing hơdră djơ\ hơmâo tơlơi tu\ yua biă pioh kơ [ing adơi amai đah kơmơi hrăm tui.

Yua kơ anun, tơlơi hơdip mơda mơnuih [on sang plơi B’Nơ\ C [rư\ hơđong tui, tơlơi ư\ rơp huăi kiăo tui păl sang ano\ mơnuih [on sang pơ anai dong tah.

{u djơ\ khin ngă tui ano\ bơplih hơdră pla pơjing đô] ôh, pioh kơ mơnuih [on sang hrăm tui, amai Rơ Ô Ka Ương do\ ba jơlan hlâo do\ dong [ong huă rơguăt, hơdip hiam tơpă.

~u mơtam yơh pơtô lăi, jak ba ană plơi pla ngă tui bơplih tơlơi pơmin hơđăp, lui tơlơi phiăn [u klă, djă hla tơpă gai, ngă yang iâu lăi sit duăm ruă, pioh ngă tui hơdră pơkrem prăk kăk, dram gơnam amăng mông pơdo\ rơkơi bơnai, tơlơi djai bru\ [u hiam drơi jăn, luh hla kyâo pơtâo.

Amai Ka Ương brơi thâo dong:

“Hlâo adih plơi pla gơmơi ngă tui tơlơi phiăn hơđăp đô], lu sang ano\ tơkeng ană bă 5,6 ]ô, bơwih brơi kơ ană [ong huă hrăm hră [u djop ôh.

 Samơ\ ră anai [u  hơmâo tui anun dong tah, djop pô thâo bơplih laih, thâo ngă tui [ă ană hơmâo hơdră, djop sang ano\ hơmâo kơnong sa, dua ]ô ană đô], đah rơkơi [udah đah kơmơi hai bơkơnar soh, pơpu\ bơkơnar soh, dong mơng anun ană bă hrăm hră pơar djop truh anih.

Ră anai, amăng plơi ăt lo\m lui laih tơlơi phiăn pơlu\k mơgu hơđăp tơlơi djă kông, pơdo\ rơkơi mơng muai, bơnai mơng anet, tơlơi do\ ană anong rông ană wa [u hơmâo dong tah.

Sang ano\ rơkơi bơnai thâo rơnôm khăp nao rai tơdroă, thâo gum pơgôp lu”.

Lăi nao kơ amai Rơ Ô Ka Ương, yă Lê Thị Nga, Khoa khul đah kơmơi mut phung tơring kual Lạc Dương pơ-ư pơ-ang biă mă brơi thâo, anai le\ mơnuih mă bruă amăng plơi hur har biă mă, pơgôp pran jua [u anet djru pơtô lăi mơnuih [on sang kiăng thâo hluh, bơplih phrâo tơlơi pơmin ako\ pơdong sang ano\ trơi pơđao yâo mơak amăng kual mơnuih [on sang djuai ania [iă:

“Mơnuih [on sang pơ anai thâo gum pơgôp biă mă, dong mơng ako\ pơjing hơdră mă bruă djru nao rai hrơi bruă, pơbliu\, djru pơjeh mơnong pla, djuai hlô mơnong rông, prăk ]an….mơ\ amai Ka Ương mơtam yơh pô ba jơlan hlâo amăng bruă mă anai, djru kơ [ing adơi amai ngă ding kơna, [ing adơi amai amăng plơi pla [on [ut pơđ^ kyar bơwih  [ong huă.

Laih dong, amai Ka Ương jing sa amăng hơdôm ]ô mơnuih apăn bruă pơ plơi pla mă bruă hur har hloh, ngă pô ba jơlan hlâo mơtam amăng bruă đah kơmơi.

 Rơwang bruă rơgao, `u hơmâo tu\ mă lu hră bơni yom, jing sa gru hiam kơ adơi amai tui hrăm”.

Glăi ]uă [on B’Nơ\ C, tơring kual Lạc Dương, tơring ]ar  Lâm Đồng ră anai, gơmơi [uh hling hlang biă mă [ơi anăp kơ tơlơi bơplih phrâo hmar mơng `u, tơlơi bơplih ta` biă mă amăng plơi pla mơnuih [on sang djuai [iă [ơi anai.

Hơdôm đang kơphê tha hlâo adih, hmua ia lui jing trăp hlâo adih ră anai jing hmua đang a`ăm hla phunpla mơtah mơda biă mă, đang bơnga hyơ hyơr; jơlan glông amăng plơi pla tuh go\ drong, kơsu laih mơn.

Tơlơi bơplih prong anai boh lu yua kơ hơmâo tơlơi djru mơng Ping gah kơnuk kơna tuh pơ alin, tơlơi djru [u anet ôh yua mơng djop anom bruă, mơnuih apăn bruă tơpuôl amăng plơi pla, yua hơmâo gơ`u jak iâu pơtô lăi, ană plơi pla ngă tui djơ\, tơlơi bơplih hlong hơmâo sit nik.

Amăng tơlơi bơplih anun, boh [iă ăt hơmâo mơn tơlơi pơgôp mơng pran jua amai Rơ Ông Ka Ương, pô hrưn đ^ na nao mă bruă rah, jak iâu pơtrut pơsur ană plơi pla, dưi pơklaih mơng tơlơi rơmon rơpa, gum pran jua ako\ pơdong plơi pla phrâo trơi pơđao yâo mơak hrom.

                                                            Nay Jek: Pô ]ih hăng pôr