VOV4.Jarai- Thun 2014, hăng bruă tu\ yap 2 boh să Tân Biình hăng să Nam Yang, tơring glông Đak Đoa, tơring Gialai dưi ngă djơ\ hơnong pơkă să kual plơi pla phrâo, hiam tơring glông Đak Đoa, tơring Gialai jing tơring glông blung a amăng tơring ]ar dưi ngă djơ\ hơnong pơkă man pơdong kual plơi pla phrâo. Anai le\, boh tơhnal mơng tơlơi kơtưn gir, gum pơgop, ha pran jua, ako\ pơdong plơi pla mơng djo\p mơnuih [on sang amăng tơring glông Đak Đoa.

            Să Nam Yang, tơring glông Đak Đoa le\, sa amăng dua boh să amăng tơring ]ar dưi ngă djơ\ hơnong pơkă kơ bruă man pơdong kual plơi pla phrâo amăng thun 2014. Boh tơhnal tu\ yua anai hơmâo le\, yua mơng tơlơi gir run amăng gong gai kơnuk kơna ngă tui djơ\ hơdôm tơlơi pơtrun kơ bruă man pơdong kual plơi pla phrâo. Rơđah biă `u bruă tuh pơ alin man pơdong plơi pla, ]uk pơkra jơlan glông nao rai.

            Thun 2014, Sang hră gưl sa să Nam Yang tu\ mă  tơlơi pơs^t jing sang hră mơng anih 1-5  djơ\ hơnong gưl dêh ]ar. Amăng hơdôm thun rơgao, sang hră gưl I să Nam Yang, gleng nao kơ bruă ngă tui  5 tơlơi pơkă kiăng pơs^t lăng sang hră ngă djơ\ hơnong sang hră pơtô hiam klă gưl dêh ]ar. Hơdră pơphun bruă mă, git gai wai lăng mơng Kơnuk kơna pơtrun, hơmâo ngă pơgiong laih,  mrô nai pơtô ngă hro\m bruă git gai wai lăng amăng sang hră djo\p laih, djo\p tơlơi thâo pơkă hăng ano\ gêh găl tơlơi hrăm, tơlơi thâo bruă git gai. {ing nai kai pơtô hrăm hră ăt thâo kjăp bruă pơtô hrăm, abih bang hrăm truh tơl, djơ\ hơnong pơkă kơ tơlơi ngă nai pơtô soh. Khoa moa sang hră ngă klă amăng bruă lăi pơthâo kơ Khoa moa ping gah să, gong gai kơnuk kơna thâo kơ bruă pơđ^ kyar tơlơi pơtô pơhrăm laih anun hơdai gum hro\m hăng djo\p anom bruă, mơnuih tơpuôl, kiăng pơtô pơblang, pơtrut mơnuih [on sang gum hro\m bruă pơtô pơhrăm. Nai pơtô Võ Thanh Hồng, Kơ-iang Khoa sang hră gưl I să Nam Yang, tơring glông Đak Đoa, tơring ]ar Gialai lăi tui anai:

            Thun hlâo, sang hră gơmơi hơmâo Kơnuk kơna tuh  pơ alin man pơdong 6 boh anih hrăm sang dua tal, ră anai ngă sang dua tal anun jing anih hrăm lu mơta, yua dah rơhaih truh kơ 700 met ka rê, rơnoh prak tuh pơ alin giăm 5 klai prak, bruă tuh pơalin pioh djru blơi gơnam yua, bơwih brơi kơ  bruă pơtô pơhrăm klă hloh amăng sang hră.

            Pơtong glăi ano\ yom kơ bruă pơtô pơhrăm, să Nam Yang gleng nao kơ bruă tuh pơalin blơi gơnam yua bruă pơtô pơhrăm kơ sang hră gưl I amăng să yom biă biă. Truh ră anai, să hơmâo 3 boh sang hră ngă djơ\ hơnong pơkă gưl dêh ]ar pơtrun, djơ\ hơdră pơtô pơhrăm amăng bruă man pơdong kual plơi pla phrâo.

            Bruă man pơdong kual plơi pla phrâo jing hơdră bruă lu mơta, yom pơphăn biă mă kiăng pơtrut tui tơlơi pơđ^ kyar bơwih [ong huă kơ mơnuih mơnam, pơgang tơlơi rơnuk rơnua, hơđong amăng plơi pla kjăp phik, să pơtum bruă pơtô pơblang laih anun  jak iâu mơnuih [on sang djru hro\m, kah hăng ming pơkra, hrêp glăi pưk sang, rơnăk  jơlan glông nao rai, pơphun re se bruă nao kuăi hnoh ia king hmua, du` djah djâo kiăng pơgang ano\ hơdjă kơ hyuh hyiăng glai klô, plơi pla, djru prak kak man pơdong ring bruă  pioh kơ ană plơi pla.

            Amăng mrô 19 klai prak pioh man pơdong kual plơi pla phrâo, hiam [ơi să Nam Yang, rơnoh prak mơnuih [on sang pơ]ruh hro\m hơmâo 7 klai prak, aka yap ôh bruă mă djru pran jua, pơdong sang amăng să. Mơng rơnoh prak anai yơh, să ngă pơgiong giam 1 km kueng hmua hăng rơbêh 4 rơbâo met  jơlan, rô  nao rai amăng plơi pla, pơ]ruh 280 klak prak djru bruă pơtô hrăm, man pơdong anih hrăm, man pơkra hăng hrêp glăi war pơga, amăng jang sang hră, blơi k[ang grê, sưng mdo# kơ djo\p sang hră amăng să; man pơdong 3 boh anom pơtơdu kơtang apui lơtrik, 3 km hre\ apui lơtrik man [rô, 4 km hre\ apui lơtrik tơdu [iă, pioh kơ mơnuih [on sang pơke\ yua, [ôp ia bruih kơ hmua pơdai.

            Boh nik `u hơnong pơkă ano\ pơhrui glăi mơng mơnuih [on sang, hrim ]ô mă bruă sa thun, să Nam yang, tu\ yua biă laih anun pok na nao pơtô pơ]râo brơi  hơdră ngă hmua kiăng tu\ yua lu hloh dong, pơtrut mơnuih [on sang ngă hmua anăp nao kơ jơlan hơdră hơđong kjăp, lăng nao kơ ano\ gêh gal hơmâo baih hlâo, djuai boh troh yom kah hăng kơphê, tiu, ngă tui mơne] phrâo ia rơgơi amăng bruă ngă hmua. Dong mơng anun yơh, mrô sang ano\ mơnuih [on sang [un rin amăng să trun tui na nao. Rơnoh pơhrui mơng mơnuih [on sang mă bruă sa thun sa ]ô truh kơ 34 klak prak. Tơlơi hơdip mơda, tơlơi hok mơak kơ mơnuih [on sang să Nam Yang gleng nao kơ bruă man pơdong sang rung, anih anom pơrơgoăt drơi jăn tuh pơalin truh kơ 700 klak prak. Ơi Nguyễn Văn Trung-Khoa git gai Ping gah să, Khoa khul git gai bruă man pơdong plơi pla phrâo, hiam [ơi să Nam yang, tơring glông Đak Đoa brơi thâo:

            Rơgao 4 thun ngă tui, să hơmâo ngă giong laih 19 mơta tơlơi pơkă kơ plơi pla phrâo, hiam. Rơgao mơng anai 5 thun pơklôn adih, lăi nao kơ plơi pla phrâo, hiam, mơnuih [ôn sang [u thâo hluh ôh, kơnong hmư\ hăng [uh amăng tivi đu], tơl truh hrơi pok pơhai ngă tui ăt bưp lu tơlơi tơnap tap lông lăng, să aka [u thâo pơphun bruă hiư\m pă mơdjơ\, anun ako\ pơjing khul apăn bruă hyu sem lăng, hrăm tui mơng arăng. Tơring glông pơphun brơi hyu ]uă lăng să kual plơi pla phrâo, hiam mơng anun thâo hluh yơh, glăi hlong pơtô pơblang pok pơhai ngă tui, pơsir tui [ơ [rư\ tơlơi k[ah. Amăng thun 2015 să pơs^t pơdong anih anom s^ mơdrô, [u djơ\ kơnong bơwih brơi kơ mơnuih [ôn sang amăng să đu] ôh, bơwih  brơi kơ mơnuih [ôn sang  mơng 5 boh să gah kual pơngo# dong.

            Hơdră dêh ]ar ta pơkă man pơdong plơi pla phrâo, hiam dưi pok pơhai [ơi tơring glông Đak Đoa, hơmâo pok pơhai [ơi 16 boh să. Truh ră anai, hơmâo 2 boh să ngă djơ\ hơnong pơkă kual plơi pla phrâo anun le\ să Tân Bình hăng Nam Yang, do\ glăi hơdôm să dưi ngă 15 amăng 19  hơnong pơkă. Ơi Phạm Cường-Khoa anom bruă wai lăng bruă đang hmua hăng pơđ^ kyar [on lan-Kơ-iăng Khoa  git gai bruă man pơdong kual plơi pla phrâo kơ tơring glông Đak Đoa lăi tui anai:

            Tơlơi phrâo biă mă `u [uh kơ bruă man pơdong plơi pla phrâo dêh ]ar ta pơtrun ngă tui [ơi Đak Đoa le\, mơta sa tơlơi git gai hlom bom amăng djo\p bruă kơđi ]ar dong mơ\ng tơring glông truh pơ să laih anun hơmâo tơlơi tu\ ư hro\m mơng ană plơi pla. Hơdôm bruă kiăng jak iâu pơtum ngă bruă le\ tuh pơalin mơtam kah hăng man pơdong sang hră, ]uk pơkra jơlan nao rai, pơdong anih anom gru grua boh thâo, pơ rơguăt drơi jăn, mơnuih [ôn sang djru pran jua, hrơi bruă hăng prak kak, laih anun hơmâo lu mơnuih ba gru hlâo pơyơr lo\n sang pô kơ bruă ]ar djru kơ ană plơi pla dưi yua hro\m soh.

            Tơring glông Đak Đoa, tơring Gialai kơtưn, truh rơnu] thun 2015, amra hơmâo 3 boh să dưi ngă djơ\ hơnong kual plơi pla phrâo, hiam./.

                                                                      Nay Jek : Pô ]ih hăng Pôr